ბათუმის საკრებულოს თავმჯდომარემ ირაკლი ჭეიშვილი, საკრებულოს თავმჯდომარე დეპუტატ მედეა ვასაძესა და მურმან დუმბაძეს პატივისა და ღირსების შელახვის გამო უჩივის.

როგორც ჭეიშვილმა დღეს გამართლ ბრიფინგზე განაცხადა, ვასაძისა და დუმბაძის მიერ, გავრცელდა წინასწარ დაანონსებული ინფორმაცია, მის მიერ 2013 წლის სექტემბერში სარფის საბაჟო გამშვები პუნქტის გავლით, თითქოსდა საქართველოში ნარკოტიკული საშუალებების უკანონოდ შემოტანის ფაქტებზე.

ჭეიშვილის აღნიშნბულ ფაქტს მისი დისკრედიტაციის მცდელობად აფასებს და აცხადებს, რომ  მის მიერ რაიმე არაკანონიერი ქმედებების განხორციელების არც ერთი ფაქტი არ არსებობს.

"2015 წლის 28 ივნისს, ტელეკომპანია რუსთავი 2-ის გადაცემა P.S.-ში, აჭარის ავტონომიური რესპუბლიკის უმაღლესი საბჭოს წევრის მედეა ვასაძისა და საქართველოს პარლამენტის წევრის მურმან დუმბაძის მიერ, გავრცელდა წინასწარ დაანონსებული ინფორმაცია, ჩემს მიერ 2013 წლის სექტემბერში სარფის საბაჟო გამშვები პუნქტის გავლით, თითქოსდა საქართველოში ნარკოტიკული საშუალებების უკანონოდ შემოტანის ფაქტებზე. ჩემს მიერ ამ ან/და სხვა რაიმე არაკანონიერი ქმედებების განხორციელების რაიმე ფაქტებს ბუნებაში არასოდეს ჰქონია ადგილი. ინფორმაციის გამავრცელებელი პირების მიერ განხორციელდა ცრუ დასმენა, განსაკუთრებით მძიმე კატეგორიის დანაშაულის ჩადენაზე, რომელიც მიზანმიმართულად ემსახურება ჩემი, როგორც უმრავლესობაში მყოფი პოლიტიკური თანამდებობის პირის დისკრედიტაციას. ამ ცრუ დასმენის ავტორების გავრცელებულმა ინფორმაციამ საბოლოო მიზნობრივი შედეგით, ქალაქ ბათუმის საკრებულოს გამართულ მუშაობას უნდა შეუშალოს ხელი.

რათა კანონიერად დადგენილი წესითა და გზით დადგინდეს ჭეშმარიტება, მე შესაბამისი განცხადებით ცრუ დასმენის ნაწილში, რომელიც არის სისხლის სამართლის დანაშაული, მივმართე გამოძიებაზე უფლებამოსილ კომპეტენტურ ორგანოს (პროკურატურას).

ჩემი, როგორც პიროვნების პატივის, ღირსებისა და საქმიანი რეპუტაციის შელახვისათვის, როგორც უკვე განხორციელებულ ფაქტზე, მზადდება სასამართლოში წარსადგენი დასაბუთებული სარჩელი, რომელსაც წინ გაუსწრებს სარჩელის აღძვრამდე სარჩელის უზრუნველყოფა, მოყენებული მორალური ზიანის 200 000 ლარის ოდენობის თანხის ანაზღაურების მოთხოვნის ნაწილში, რომელ თანხასაც სამოქალაქო წესით სავარაუდო მოპასუხეებისათვის დაკისრებისა და აღსრულების შემთხვევაში, სასამართლო და სასამართლო გარეთა ხარჯების მიღმა ნაწილს გადავრიცხავ ქ. თბილისში სტიქიით დაზარალებულთა ფონდში , ხოლო ნაწილს ლეიკემიით დაავადებულ ბავშვთა დახმარების საქველმოქმედო ფონდში“, - განაცხადა ირაკლი ჭეიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

17 მაისი ჰომოფობიისა და ტრანსფობიის წინააღმდეგ ბრძოლის საერთაშორისო დღეა

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება