2019-07-11 11:59:56, 1251 ნახვა

---

ტუსკი: სოლიდარობა გჭირდებათ ქვეყნის შიგნითაც - დემოკრატია განვითარებისთვისაა და არა სამოქალაქო დაპირისპირებებისთვის

„რა თქმა უნდა, სოლიდარობის იმედი უნდა გქონდეთ, მაგრამ  სოლიდარობა გჭირდებათ  ქვეყნის შიგნითაც - დემოკრატია არის განვითარებისთვის და არა იმისთვის, რომ სამოქალაქო დაპირისპირებები წარმოქმნას“, - ამის შესახებ ევროსაბჭოს პრეზიდენტმა დონალდ ტუსკმა ბათუმში მიმდინარე კონფერენციაზე „საქართველოს ევროპული გზა“ სიტყვით გამოსვლისას განაცხადა.

ტუსკმა აღნიშნა, რომ 2020 წელს დაგეგმილი საპარლამენტო არჩევნების პროპორციული წესით ჩატარება საქართველოში დემოკრატიული პროცესის პროგრესს შეუწყობს ხელს.

„მთავრობამ მიიღო გადაწყვეტილება, რომ 2020 წელს საპარლამენტო არჩევნები სრული პროპორციული სისტემით ჩაატაროს, ეს ყველაფერი ხელს უწყობს საქართველოში დემოკრატიული სივრცის განვითარებას, მის პროგრესს და იმედი მაქვს, რომ ყველა თავდადებულად იმუშავებს მის გაღრმავებაზე. ბათუმის კონფერენციაზე მე ვილაპარაკე საქართველოს ერთიანობის მნიშვნელობისა და აუცილებლობის შესახებ. ბრიუსელში ჩვენ ვფიქრობთ, რომ თქვენ, რა თქმა უნდა, იმედი უნდა გქონდეთ სოლიდარობის, მაგრამ, მეორეს მხრივ, სოლიდარობა გჭირდებათ თვითონ ქვეყნის შიგნითაც,- დემოკრატია არის განვითარებისთვის და არა იმისთვის, რომ სამოქალაქო დაპირისპირებები და ომები წარმოქმნას“, - განაცხადა  დონალდ ტუსკმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი