„უნივერსიტეტის მშენებლობა ბათუმში,  ამ ქალაქს გადააქცევს საერთაშორისო და რეგიონალურ ჰაბად განათლების და ახალგაზრდობის მიმართულებით. 

რამდენიმე თვის განმავლობაში გვქონდა მოლაპარაკება პროექტის განხორციელებაზე და შევთანხმდით, რომ 3 წლის შიგნით ბათუმს უნდა ქონდეს ახალი საერთაშორისო უნივერსიტეტი. აქ გვეყოლება ძალიან ბევრი საერთაშორისო სტუდენტი, გვეყოლება ძალიან ბევრი ახალგაზრდა, რომელიც შეძლებს მოიტანოს ახალი  სიცოცხლე და ახალი დინამიკა ამ ქალაქში, რეგიონში. ეს იქნება გამორჩეული პროექტი. პრაქტიკულად, ერთ სივრცეში განთავსებული მთელი ინფრასტრუქტურა, რომელიც საჭიროა ხარისხიანი განათლების ადგილზე მისაღებად. არის როგორც სპორტული ინფრასტრუქტურა, ლაბორატორიები, ბიბლიოთეკა და ყველა თანამედროვე საჭირო სივრცე, რომელიც მნიშვნელოვანია ახალგაზრდების განვითარებისთვის და განათლებისთვის", - აღნიშნა თორნიკე რიჟვაძემ პრეზენტაციაზე.

აჭარის მთავრობის თავმჯდომარემ კიდევ ერთხელ გაუსვა ხაზი, რომ ახალგაზრდობა და განათლება მოქმედი ხელისუფლების  გაცხადებული პრიორიტეტია.

„მიგვაჩნია, რომ სწორედ განათლებული ახალგაზრდებით, განვითარებული ადამიანური კაპიტალით შესაძლებელია ყველა გამოწვევის ღირსეულად დაძლევა. განსაკუთრებით, ყველა იმ მიმართულებით, რომელიც ჩვენს ქვეყანას თუნდაც, საერთაშორისო ასპარეზზე აქვს“, - განაცხადა თორნიკე რიჟვაძემ.

(NS)

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”