„ნაციონალური მოძრაობა“ - ჩვენი პარტიის წევრს შეკვეთილში თავს დაესხნენ და ჭრილობა მიაყენეს

2019-06-29 10:09:46, 1625 ნახვა

პოლიტიკა

ბათუმის საკრებულოს წევრის მირდატ ქამადაძის ინფორმაციით, „ნაციონალური მოძრაობის“ წარმომადგენელს, გიორგი დიასამიძეს თავს დაესხნენ.

ქამადაძის თქმით, შემთხვევა გუშინ მოხდა, როდესაც ისინი ბათუმიდან შეკვეთილში პარტია "ქართული ოცნების" თავმჯდომარის ბიძინა ივანიშვილის სახლისკენ მიემართებოდნენ, სადაც საპროტესტო აქციაში მიეღოთ მონაწილეობა.

როგორც ქამადაძემ აღნიშნა, მათთან უცნობი პირი მივიდა, სიტყვიერი შეურაცხყოფა მიაყენა და შემდეგ კი დიასამიძეს თავს დაესხა. მას სამედიცინო ჩარევა დასჭირდა.

„ნაციონალური მოძრაობის“ წარმომადგენელის თქმით, ინციდენტი სახელმწიფო უსაფრთხოების სამსახურის მიერ არის ორგანიზებული.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან