მე გპირდებით, რომ ცენტრალური ბიუჯეტიდან მომავალ წლებშიც კიდევ უფრო მეტი მხარდაჭერა ექნება იმას, რომ ასე ნაბიჯ-ნაბიჯ  შევძლოთ და ჩვენი ულამაზესი დედაქალაქის ყველა უბნის რეაბილიტაცია განვახორციელოთ ისე, რომ მან შეინარჩუნოს პირვანდელი იერსახე, - ამის შესახებ საქართველოს პრემიერ-მინისტრმა მამუკა ბახტაძემ ორბელიანის მოედნის საზეიმო გახსნის ღონისძიებაზე სიტყვით გამოსვლისას განაცხადა.

მთავრობის მეთაურმა ორბელიანის მოედნის რეაბილიტაციის პროექტის მნიშვნელობაზე ისაუბრა და აღნიშნა, რომ მსგავსი პროექტების განხორციელებისას პირვანდელი იერსახის შენარჩუნებას განმსაზღვრელი მნიშვნელობა აქვს, რადგან ეს არის ის, რის გამოც თბილისი ყველას უყვარს.

"ყველაზე ემოციური გახლავთ ის, რომ ამდენ ბედნიერ და მომღიმარ ადამიანს ვხედავ. ეს არის ის, რაც საქართველოში დღეს ყველაზე მეტად გვჭირდება. სიყვარული და  ერთმანეთის გვერდში დგომა, ვინაიდან თუ არის ერთსულოვნება, არის წარმატებაც და დღევანდელი დღე  ამის მაგალითია. მე მახსოვს, რამდენიმე თვის წინ, როდესაც დავაანონსეთ ორბელიანის რეაბილიტაცია და ვთქვით, რომ ასე მოკლე ვადებში მერია, კახა და მისი გუნდი შეძლებდა ამ პროექტის დასრულებას, არსებობდნენ სკეპტიკოსები. ისინი ყოველთვის არსებობენ, მაგრამ ჩვენ დავამტკიცეთ, რომ როდესაც არის ერთსულოვნება, როდესაც არის მოტივაცია, ჩვენ შეგვიძლია ასეთ მოკლე დროში ასეთი მასშტაბური პროექტების განხორციელება", - განაცხადა მამუკა ბახტაძემ.

პრემიერ-მინისტრმა, კახა კალაძესა  და მის გუნდს, მაღალი პროფესიონალიზმისთვის განსაკუთრებული მადლობა გადაუხადა. მთავრობის მეთაურის თქმით, ის დარწმუნებულია, რომ პროექტები, რომელსაც წელს თბილისის მერია ახორციელებს, ასეთივე წარმატებით დასრულდება.

ორბელიანის ქუჩის გახსნის ღონისძიებაზე მოქალაქეებს სიტყვით საქართველოს პრეზიდენტმა და თბილისის მერმა მიმართა. კახა კალაძემ პრემიერ-მინისტრს მხარდაჭერისა და თანადგომისთვის მადლობა გადაუხადა.
ღონისძიებას მინისტრთა კაბინეტისა და  პარლამენტის წევრები, ასევე   ხელისუფლების სხვა წარმომადგენლები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი