საქალაქო სასამართლოში ლაშა თორდიას ცემის საქმის არსებითი განხილვა დაიწყო

2019-05-23 12:51:34, 1120 ნახვა

საზოგადოება

თბილისის საქალაქო სასამართლოში აუდიტის სამსახურის ყოფილი ხელმძღვანელის ლაშა თორდიას ცემის საქმის არსებითი განხილვა დაიწყო.

საქმეზე ბრალდებული ყოფილი მთავარი პროკურორი ოთარ ფარცხალაძე სასამართლო დარბაზში მივიდა, თუმცა ჟურნალისტებთან მას კომენტარი არ გაუკეთებია.

თავად დაზარალებული ლაშა თორდიას გამოკითხვა სავარაუდოდ skype-ით მოხდება.

საქმის მასალებით, ოთარ ფარცხალაძე ლაშა თორდიას თავს დაესხა და რესტორან "ელ ცენტროში" ფიზიკურად გაუსწორდა. თუმცა თავად ფარცხალაძე ბრალდებებს უარყოფს და აცხადებს, რომ დაპირისპირება თორდიას პროვოცირებით მოხდა. მას ამ საქმეზე 5000 ლარიანი გირაო აქვს შეფარდებული. შემთხვევა 2017 წლის 13 მაისს მოხდა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან