ბათუმის საკრებულოს თავმჯდომარე სულიკო თებიძე საკრებულოს წევრის მიერ, რომელიც ამავდროულად ბათუმის უნივერსიტეტის ლექტორიც არის,  სტუდენტი გოგონას მიმართ შესაძლო სექსუალურ შევიწროვებას ეხმაურება. 

საკრებულოს თავმჯდომარე აღნიშნავს, რომ თუ დანაშაული დამტკიცდა, ლექტორს ხელს არავინ დააფარებს და ის კანონის სრული სიმკაცრით დაისჯება. 

„მკაცრად ვგმობთ ყოველგვარ იძულებას, ყოველგვარ ძალადობას, ყოველგვარ შევიწროვებას. რამდენადაც ჩემთვის ცნობილია, არაოფიციალურად, საკრებულოს წევრისგან მოხდა იძულების ფაქტი. ჩვენ გამოძიების შედეგებს დაველოდებით, ხელს არავის ვაფარებთ, ვინც არ უნდა იყოს ის, კანონის სრული დაცვით აგებს პასუხს“, - განაცხადა ბათუმის საკრებულოს თავმჯდომარემ.

შეგახსენებთ, რომ ბათუმის შოთა რუსთაველის სახელობის სახელმწიფო უნივერსიტეტის 19 წლის სტუდენტი გოგონა ლექტორს, რომელიც ამავდროულად ბათუმის საკრებულოს წევრია,  სექსუალურ შევიწროებაში ადანაშაულებს. შინაგან საქმეთა სამინისტროს ცნობით, გამოძიება სსკ-ის150-ე მუხლით მიმდინაროებს, რაც იძულებას გულისხმობს

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის