ერთ-ერთმა წამყვანმა ამერიკულმა გამოცემამ Sports Illustrated, წლევანდელ დრაფტს ვრცელი სტატია მიუძღვნა, რომელშიც მრავალი ასპექტია განხილული, მათ შორის, საუბარია პერსპექტიულ ევროპელ ტალანტებზეც.  გამოცემის თქმით, წელს სულ ასეთი ორი კალათბურთელია: სეკუ დუმბუია და გოგა ბითაძე.

ბითაძეს ევროლიგაში ძალიან შთამბეჭდავი სეზონი ჰქონდა, თუმცა იგი საკმარისად დაფასებული არ არის. 19 წლის ცენტრი ადრიატიკის ლიგაში დომინირებდა. მას აუცილებლად პირველ რაუნდში აირჩევენ. განსაკუთრებით ის გუნდები იაქტიურებენ, რომლებიც აქცენტს არაამერიკელ კალათბურთელებზე აკეთებენ.

 

2.12 მეტრი სიმაღლის ბითაძის ათლეტურობას სათანადოდ არ აფასებენ. იგი მოედნიდან 62%-იანი სიზუსტით უტევს, ევროლიგის 13 მატჩში კი საშუალოდ 12.0 ქულას, 6.3 მოხსნასა და 2.3 დაფარებას აგროვებდა.

სხვადასხვა გამოცემა ქართველ ცენტრს დრაფტზე 14-22 პიკებს შორის არჩევას უწინასწარმეტყველებს. ყველაზე ხშირად მის სახელს ოკლაჰომას, ბოსტონსა და სან ანტონიოს უკავშირებენ.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს