დღეს ბათუმობა აღინიშნება. ,,ბათუმობის" ოფიციალური ცერემონია დამეგობრებული და პარტნიორი ქალაქების დელეგაციების წარმომადგენლებთან ერთად გაიხსნა.

თორნიკე რიჟვაძემ შეკრებილ სტუმრებს და ბათუმელებს, ,,ბათუმობის" დღესასწაული მიულოცა და ისაუბრა ქალაქის განვითარების კუთხით ბოლო პერიოდში განხორციელებულ მნიშვნელოვან მიღწევებზე.

,,ბათუმს და ბათუმობას ძალიან დიდი ისტორია აქვს. მნიშვნელოვანია, რომ დღეს ჩვენთან ერთად არიან ჩვენი მეგობრები, პარტნიორები და დამეგობრებული ქალაქების წარმომადგენლები. განსაკუთრებით მინდა მივესალმო ჯან ფრანსისკო ლუპატელის, რომლის დიდი ძალისხმევით  ჩვენმა ქალაქმა წელს სამართლიანად მიიღო ევროპის სპორტული ქალაქის სტატუსი. ვთვლი, რომ ბათუმი ძალიან სწორად, დინამიურად ვითარდება და თითოეული ჩვენგანის მონაწილეობა ძალიან მნიშვნელოვანია. წელს მოვიპოვეთ არაერთი აღიარება, განსაკუთრებით ტურიზმის მიმართულებით. დღევანდელი დღე კიდევ უფრო სიმბოლურია, ვინაიდან დღეს დასრულდება "World Travel Awards"-ის გამოკითხვა, სადაც ბათუმი წარდგენილია როგორც ევროპის წამყვანი ტურისტული დანიშნულება“, - აღნიშნა მთავრობის თავმჯდომარემ.

"ბათუმობა" წელს 28 აპრილს აღინიშნება. თარიღი უკავშირდება 1988 წლის 28 აპრილს ბათუმისთვის ქალაქის სტატუსის მინიჭებას.

ბათუმობის დღესასწაულთან დაკავშირებით, ძველი ბულვარის ტერიტორიაზე სხვადასხვა ღონისძიება გაიმართება. საზეიმო აქტივობები 12 საათზე დაიწყო და საღამოს 21:00 საათზე, გრანდიოზული გალა კონცერტით დასრულდება. 19:00 საათზე, საზაფხულო თეატრის წინ არსებულ სცენაზე დაიდგმება მიუზიკლი  ,,Welcome To Georgia".

ბულვარის ტერიტორიაზე წარმოდგენილი იქნება: საბავშვო კუთხე, წიგნების კუთხე, თითების თეატრი, ფრანების შოუ, ხელნაკეთი ნივთების გამოფენა-გაყიდვა, სპორტული ღონისძიებები, კინო ბათუმში - ფილმების ჩვენება და ფოტოგამოფენა.

(NS)

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა