ენერგეტიკოსი არჩილ მამათელაშვილი პანკისის ხეობაში „ხადორი 3 ჰესის“ მშენებლობასთან დაკავშირებით საუბრობს. 

მისი თქმით, მსგავსი მცირე ჰესის მშენებლობით გარემოს დაზიანება შეუძლებელია.

“იმ ადამიანმა არ იცის, ვიღაც ატყუებს, რომ მას წყალი აღარ ექნება. სად წავა წყალი?! იმ ტურბინას გაივლის და ისევ კალაპოტში ჩადის. არაფერი წყალი იქ არ იკარგება და ამით არც ხეობას ემუქრება რაიმე საფრთხე. ამ ხალხს ნდობა უნდა გაუჩნდეს. ყველაფერს აქვს თავისი ფასი, თუ ჰესები არ აშენდება, უბრალოდ ვეღარ განვვითარდებით. მაგალითისთვის, რომ გითხრათ, ნორვეგიაში 5 ათასი ჰიდროელექტროსადგურია. უბრალოდ, უნდა დავიცვათ წესები, რომელიც საერთაშორისო პრაქტიკაშია მიღებული. ასეთ დროს კი, ბუნებას არანაირ საფრთხეს არ ვაყენებთ. ნორვეგიას, აქვს დიდი რაოდენობის თბოსადგურები - გაზი, ნავთობი, მაგრამ მაინც ჰიდროს იყენებენ. უნდა გამოვიდეს ამ სფეროს დარგის ექსპერტი და ზუსტად ახსნას რაღაცები. უნდა თქვან, რომ ჰესი არაა დიდი ტრაგედია. შეიძლება ხუდონზე ბევრი ვიდავოთ, რადგან ეს იყო პოლიტიკური თემა. ხუდონჰესის აშენებით, ენგურჰეისის დაკარგვის რისკები გვეზრდება. ფაქტია, ხუდონი აღარ აშენდება, თავის დროზეც გასაგები იყო, ინვესტორი არ არსებობდა. დიდ ჰესებზე გასაგებია მიდგომა, მაგრამ პატარა ჰესებზე ასეთი აგრესიული მიდგომა არაა კარგი. პატარა ჰესების მიმართ შიში გადაჭარბებულია. ეგრე, შეიძლება ქარის სადგურზეც თქვა - ხმაურიანია და ჩიტები ეჯახებიან და გადამფრენი ფრინველები იხოცებიან. დაისვას კითხვა - რატომ აშენებენ განვითარებული ქვეყნები ჰესებს? მაგალითად, შვეიცარია, ავსტრია, ნორვეგია. ან რატომ ანიჭებენ ესენი უპირატესობას ჰიდროელექტროსადგურებს? ხალხმა არ იცის, არ აქვს ინფორმაცია. მე მახსოვს, ერთხელ როდესაც გადამცემი ხაზი შენდებოდა, ერთ-ერთმა მოსახლემ მითხრა, რომ ონკოლოგიურ დაავადებას აჩენსო. ეს აზრები საიდანღაც გაჩნდა, გასაგებია, რომ ვიღაცას აქვს თავისი ინტერესი და არიან მხარეები, რომლებსაც აწყობთ, რომ ჰესი არ აშენდეს და ამას თავის აქტივად იწერენ, თუმცა ქვეყნის განვითარება ფერხდება და ამაზე უნდა იფიქრონ. ერთგან სხვანაირად ხდება, მეორეგან - სხვანაირად. როცა არსებობს გარკვეული დადგენილი წესები, მოსახლეობაც სხვანაირად იქცევა. ვიცი, შემთხვევები, რომ ფული უნდოდათ და პირდაპირ ვაჭრობდნენ. გარდა ამისა, უნდა იყოს სისტემური მიდგომა - პატარა ჰესის მშენებლობა მაინც არ უნდა გააჩერო. ყველაფერზე დამოკიდებულები ვართ - გაზი, ნავთობი… მომავლის ხედვაც არ არის. წარმატებული პრაქტიკები მაინც ვაჩვენოთ, რაც გარკვეულწილად შეღავათსაც მისცემდა მოსახლეობას. არასისტემურმა მიდგომამ გამოიწვია ეს ყველაფერი. ენეგეტიკული პოლიტიკა 2006 წელს რაც დაიწერა, ისაა. ბაზრის შექმნაც გაიწელა - ჯერ 2015 წელს უნდა ყოფილიყო, მერე - 2017 ბოლოს, ახლა 2020-ში გადაიტანეს. ევოლუციას უნდა განიცდიდეს ეს დარგი, მაგრამ არ ვითარდება. მთავრობას მივცემდი რჩევას, რომ მზისა და ქარის ენერგიების ათვისებაზე იფიქროს, მაგრამ ეს უფრო გრძელვადიანი პერსპექტივის თემაა, ახლა მთავარია, ჰიდრორესურსების ათვისება”, - აცხადებს ენერგეტიკოსი არჩილ მამათელაშვილი.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია