ქალაქ ჯვარის საზოგადოებრივ ცენტრში ქართველმა მწერლებმა ადგილობრივი მოსახლეობისთვის ლიტერატურული საღამო გამართეს.

ღონისძიება სახელმწიფო სერვისების განვითარების სააგენტოს ინიციატივით, კულტურისა და ძეგლთა დაცვის სამინისტროს პროექტ "ცოცხალი წიგნები"-ს ფარგლებში გაიმართა.

გიორგი კაკაბაძე, მანანა დუმბაძე, ნათია როსტიაშვილი, გიორგი ბუნდოვანი, ბათუ დანელია, რუსუდან კაიშაური, დათო ყანჩაშვილი და მარიამ წიკლაური თავიანთი ნაწარმოებებით და ლექსებით წარსდგნენ ადგილობრივების წინაშე. შეხვედრის ბოლოს კი გაიმართა დისკუსია, მოსახლეობისათვის საინტერესო სხვადასხვა თემაზე.

პროექტის „ცოცხალი წიგნები“-ს ფარგლებში, მწერლები და პოეტები სტუმრობენ საქართველოს სხვადასხვა რეგიონის სოფლების და ქალაქების საჯარო სკოლებს, ბიბლიოთეკებს, მუზეუმებს, კულტურის სახლებს და სხვა საჯარო დაწესებულებებს. ლიტერატურულ და პოეზიის საღამოებთან ერთად, ისინი ცდილობენ გამოავლინონ ადგილობრივი ნიჭიერი შემოქმედები. აღსანიშნავია, რომ პროექტი „ცოცხალი წიგნები“ პირველად ესტუმრა საზოგადოებრივ ცენტრს, თუმცა ანალოგიური შეხვედრება სხვა საზოგადოებრივ ცენტრებში მომავალშიც გაიმართება.

   საზოგადოებრივი ცენტრების მიზანი სოფლის მოსახლეობისთვის ხარისხიანი მომსახურების მიწოდება და ადგილობრივი ინფრასტრუქტურის გაუმჯობესებაა. მისი კონცეფცია სახელმწიფო სერვისების განვითარების სააგენტოს პროექტის ფარგლებში შეიქმნა, რომელიც ევროკავშირის ფინანსური მხარდაჭერით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია