ის დავალებები და ვადები, რომელიც შესასრულებელი ექნება ნათია თურნავას თავის გუნდთან ერთად ეკონომიკის სამინისტროში, არის ამბიციური და აქედან გამომდინარე ძალიან მკაცრი, - ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ ბრიფინგზე, ეკონომიკისა და მდგრადი განვითარების ახალი მინისტრის წარდგენისას განაცხადა.

როგორც პრემიერმა აღნიშნა, დარწმუნებულია, რომ ნათია თურნავა დაკისრებულ მოვალეობას თავს წარმატებით გაართმევს.

„ნათიასთან მე მაკავშირებს ერთობლივი მუშაობის მინიმუმ 10 წლიანი გამოცდილება. როგორც კერძო, ასევე საჯარო სექტორში ნათია არის ძალიან მაღალი კლასის პროფესიონალი, ძალიან სერიოზული გამოცდილებით. ჩვენ ახლა გვჭირდება სწრაფი გადაწყვეტილებები, ჩვენ გვჭირდება გადაწყვეტილებების მიღება ოპერატიულ რეჟიმში, რომელიც ემსახურება ჩვენი საზოგადოების ინტერესებს, ჩვენი მეწარმეების ინტერესებს. მე დარწმუნებული ვარ, რომ ნათია აუცილებლად წარმატებით გაართმევს თავს დაკისრებულ მოვალეობას. ნათიას ნამდვილად აქვს იმ სოციალური რეალობის სწორი აღქმა, რომელიც დღეს ქვეყანაშია. ასეთივე აღქმა აქვს ჩვენს საზოგადოებას. აქვე ისიც მინდა გითხრათ, რომ ის დავალებები და ვადები, რომელიც შესასრულებელი ექნება ნათიას თავის გუნდთან ერთად ეკონომიკის სამინისტროში, არის ამბიციური და აქედან გამომდინარე ძალიან მკაცრი, თუმცა ნათიას აქვს ჩვენი სრული მხარდაჭერაც და მე დარწმუნებული ვარ, ის წარმატებით გაართმევს თავს დაკისრებულ მოვალეობას“, - აღნიშნა მამუკა ბახტაძემ.

შეგახსენებთ, პრემიერ-მინისტრმა ეკონომიკის მინისტრის პოსტზე გუშინ გიორგი ქობულიას ნაცვლად ნათია თურნავა დანიშნა. მანამდე თურნავა ეკონომიკის მინისტრის მოადგილის პოსტს იკავებდა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია