მომისმინეთ რომ გელაპარაკებით... დაურეკეთ ამ ბიძინა ივანიშვილს, შეუთანხმდით და გადადეთ ეს საკითხი, - ამ კითხვით „ევროპული საქართველოს“ წევრმა, ელენე ხოშტარიამ პარლამენტის თავმჯდომარე ირაკლი კობახიძეს პარლამენტის პლენარულ სხდომაზე მიმართა, სადაც საპარლამენტო უმრავლესობის მიერ ინიცირებული უზენაესი სასამართლოს მოსამართლეების არჩევის წესზე კანონპროექტის მეორე მოსენით განხილვა მიმდიანრეობდა.

როგორც დეპუტატმა აღნიშნა, მოსამართლეების თემა არის საკითხი, რომელიც საზოგადოების დიდ ინტერესს იწვევს.  

„ვერ გავიგე, ეს რა დამოკიდებულებაა? იქ, რომ ხართ ახლა თქვენ და რასაც გინდათ რომ დააჭერთ ხელს, ამიტომ ჩვენ აქ რასაც ვლაპარაკობთ, საერთოდ მნიშვნელობა არ აქვს? დეპუტატები გეუბნებით, რომ განხილვისთვის ყველაზე კრიტიკული და მნიშვნელოვანი საკითხის, რომელზეც მსჯელობს მთელი არასამთავრობო სექტორი, მთელი საზოგადოება წუხს, საერთაშორისო თანამეგობრობაც ამ საგანგებო განცხადებებს აკეთებს. ამ საკითხზე გეუბნებით ელემენტარულ რაღაცას, რომ დაწერილი მინდა ვნახო, სანამ განვიხილავ. თქვენ მართლა ხომ არ გგონიათ, რომ მანდ რომ დაბრძანდით, რასაც გინდათ იმას გააკეთებთ ამ პარლამენტში. რას ნიშნავს არ გადავდებთ, დაწერილი მინდა ვნახო, რომ ვიმსჯელო ამ საკითხზე...  ჯერ ერთი, მომისმინეთ რომ გელაპარაკებით. ბატონო ირაკლი. ბატონო ირაკლი თქვენ მოგმართავთ, როგორც პარლამენტის თავმჯდომარეს, რომ პარლამენტის თავმჯდომარეობა არ ნიშნავს უბრალოდ შემაღლებულზე ჯდომას ან ინსტრუქციების  მიღებას და აქ გატარებას. როდესაც დეპუტატები გეუბნებიან, ყველა მხრიდან, რომ განხილვისთვის საჭიროა გაცნობა, გადადეთ ეს საკითხი. დაურეკეთ ამ ბიძინა ივანიშვილს, შეუთანხმდით და გადადეთ ეს საკითხი

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სასამართლოს კანცელარიის დაცვის მცდელობის საქმეზე ალეკო ელისაშვილს 13-წლიანი პატიმრობა მიესაჯა

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში