"პირველივე კრიტერიუმით, საკვალიფიკაციო გამოცდის აუცილებლობის დაწესებით "ქართული ოცნება" ზღუდავს იმ წრეს, რომელსაც შეეძლება წარადგინოს საკუთარი თავი", - ამის შესახებ „ერთიანი ნაციონალური მოძრაობის“ წევრმა, თინა ბოკუჩავამ უზენაესი სასამართლოს მოსამართლეთა შერჩევის შესახებ უმრავლესობის მიერ მომზადებულ კანონპროექტზე საუბრისას განაცხადა.

მისივე თქმით, ვენეციის კომისიისთვის კანონპროექტის გაგზავნა ფორმალობა იყო. 

"დღეს კიდევ ერთხელ ნათლად გამოჩნდა, რომ რეალურად "ქართულ ოცნებას" ვენეციის კომისიის აზრი არ აინტერესებს და სრული ფორმალობა იყო კანონპროექტის გაგზავნა. ისინი მუხლობრივ განხილვამდეც კი არ დაელოდნენ ვენეციის კომისიის დასკვნებს. შესაბამისად არასამთავრობო ორგანიზაციებს  აეკრძალათ იმის შესაძლებლობა, რომ ვენეციის კომისიის რეკომენდაციის მიხედვით გამოთქვან საკუთარი მოსაზრებები, რადგან პლენარულ სხდომაზე მათ ამის შესაძლებლობა არ ექნებათ. რაც შეეხება კონკრეტულად მუხლობრივ განხილვას, ჯერჯერობით მხოლოდ საკვალიფიკაციო გამოცდების თემა გავიარეთ, რომელიც არის კანონპროექტში. მხოლოდ იმიტომ, რომ ისევ მურუსიძე-ჩინჩალაძის კლანმა გადაწყვიტოს საერთოდ ვის შეუძლია მონაწილეობა მიიღოს უზენაესი სასამართლოს მოსამართლეობის კონკურსის პროცესში. პირველივე კრიტერიუმით საკვალიფიკაციო გამოცდის აუცილებლობის დაწესებით "ქართული ოცნება" ზღუდავს იმ წრეს, რომელსაც შეეძლება წარადგინოს საკუთარი თავი. ვენეციის კომისიას არა მხოლოდ ირაკლი კობახიძე, ასევე შევხვდით ოპოზიციის წარმომადგენლები, მათ იმ შეხვედრაზე გაიგეს, რომ პლენარულ სხდომაზე პირველი მოსმენით უკვე მიღებული იყო აღნიშნული კანონპროექტი და ნამდვილად არ ქონდათ ინფორმაცია, რომ მეორე მოსმენით ჩატარდებოდა ვიდრე ისინი შეძლებდნენ დასკვნის გამოსატანად. ვწუხვარ, რომ პარლამენტის თავჯდომარე ასე უტიფრად იტყუება ძალიან მნიშვნელოვან საკითხზე", - განაცხადა ბოკუჩავამ. 

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია