ახალგაზრდობის საკითხებში საქართველოს პრემიერ-მინისტრის, მამუკა ბახტაძის კონსულტანტად რეზო ჩარკვიანი დაინიშნა.

მთავრობის ადმინისტრაციის პრესსამსახურის ინფორმაციით, რეზო ჩარკვიანი პრემიერ-მინისტრმა დღეს ახალგაზრდებს ტექნოპარკში გამართულ შეხვედრაზე წარუდგინა.

პრემიერის კონსულტანტი აღნიშნულ პოზიციაზე ახალგაზრდული ეკონომიკის, განათლების, სპორტისა და კულტურის მიმართულებით იმუშავებს.

„სამივე მიმართულების სტრატეგიებსა და კონკრეტულ პროექტებზე უშუალოდ მილენიალები იმუშავებენ, ეს არის ჩვენი ხედვის მნიშვნელოვანი ნაწილი,  გვინდა რომ, მათ თვითონვე შექმნან სტრატეგია და ის არ მოდიოდეს ჩვენგან, მთავრობისგან. არამედ ჩვენ მათ ასპარეზი მივცეთ და ხელი შევუწყოთ", - განაცხადა რეზო ჩარკვიანმა.

რეზო ჩარკვიანმა 2000 წელს დაამთავრა ESM-თბილისი. 1999 წელს, რამდენიმე ჯგუფელთან ერთად დაარსა სარეკლამო სააგენტო „სარკე", რომელშიც 2009 წლის ბოლომდე იყო დირექტორი და სენიორ კონსულტანტი. 2010-2013 წლებში რამდენიმე კომპანიის მარკეტინგის დირექტორის პოზიციაზე მუშაობდა. 2012 წლიდან დღემდე არის თავისუფალი უნივერსიტეტის ასოცირებული პროფესორი, ლექციებს კითხულობს ბიზნეს სკოლა ESM-ის ბაკალავრიატის სტუდენტებთან, მარკეტინგსა და სტრატეგიულ ბრენდინგში. არის სტრატეგიული ბრენდინგის სააგენტო „მილენიალ ჰაბის" დირექტორი და სენიორ კონსულტანტი, ასევე ორი სტარტაპის დამფუძნებელი -  „ჟუჟუნა ღვინო" და „ჯონ ვრაპი". ამავე დროს, რეზო ჩარკვიანი არის ახალი თაობის, მილენიალების, მენტორი და ქოუჩი მათ სტარტაპ საქმიანობასა და კარიერული ზრდის მიმართულებით.

ავტორი: ექსპრესნიუსი,

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა