ტაქსების მძღოლების ნაწილი მერიასთან ახალ რეფორმას აპროტესტებს

2019-03-20 14:24:11, 1092 ნახვა

საზოგადოება

ტაქსების მძღოლების ნაწილი თბილისის მერიასთან აქციას მართავს. აქციის მონაწილეები ახალი რეგულაციების გადავადებას მოითხოვენ.

როგორც ადგილზე შეკრებილი ტაქსის მძღოლები აცხადებენ, მათთვის გაუგებარია თუ რატომ უნდა მოხდეს ავტომობილების გადაღებვა. ისინი ამბობებ, რომ ავტომობილის ფერის შეცვლა მათ ფინანსურ პრობლემებს უქმნის.

აქციაში ათობით ადამიანი მონაწილეობს. ისინი მერიის წარმომადგენლებს მოუწოდებენ მათი მოთხოვნები დააკმაყოფილონ და აქციის მონაწილეებს შეხვდნენ.

"ტექდათვალიერების წინააღმდეგი არ ვართ, გასაგებია, რომ უნდა გავიაროთ ტექინსპექტირება და ეს საჭიროა, მაგრამ მე პირადად 6 ათასი ლარი მაქვს ბანკის ვალი, მანქანის შეღებვა ძალიან ძვირი, დაახლოებით 3 ათასი დოლარი დამიჯდება, რატომ მაიძლებენ ფერის შეცვლას ვერ ვხვდები?! საიდან გადავიხადო ეს ფული?! არც ერთმა არ გვკითხვა ჩვენ რა გვინდა. თვითონაც არ ერკვევიან ამ სფეროში. მოიფიქრეს და გადაწყვიტეს რომ ასე უნდა იყოს, იმიტომ, რომ თურმე მათ ასე უნდათ", - აცხადებს აქციის ერთ-ერთი მონაწილე.

ცნობისთვის, თბილისის საკრებულომ ტაქსებთან დაკავშირებული ახალი რეგულაციები გასული წლის 7 დეკემბერს დაამტკიცა.