მე ყველა კომიტეტის მუშაობას „ცუდად“ ვაფასებ, მაგრამ კვაჭანტირაძის კომიტეტი რატომ გამოარჩიეთ - რამე საერთასორისო პრიზი უნდა აეღო და ვერ აიღო? - ამ კითხვით მიმართა „ევროპული საქართველოს“ წევრმა, გიგა ბოკერიამ „ქართული ოცნების“ წევრებს, პლენარულ სხდომაზე, სადაც პარლამენტში დიასპორისა და კავკასიის საკითხთა საპარლამენტო კომიტეტის თავმჯდომარის თანამდებობიდან ზვიად კვაჭანტირაძის გადაყენების საკითხზე მსჯელობდნენ.

როგორც მან აღნიშნა, გაუგებარია ის მიზეზი, თუ რის გამო გადაწყვიტეს კომიტეტის თავმჯდომარეობიდან კვაჭანტირაძის გადაყენება.

„ეს არის თქვენი „ქართული ოცნების“ სტანდარტი, რომ არ შეიძლება კომიტეტში ხელმძღვანელ თანამდებობაზე იყოს არაუმრავლესობის წევრი, თუნდაც თქვენ გუშინდელი თანაგუნდელი, რომელთანაც გუშინ ამხელა ღირებულებითი ერთიანობა გქონდათ. გავიგე ეს, მაგრამ მერე მაინც წაგცდათ ტრადიციულად, რომ ცუდად მუშაობდაო. მე ყველა თქვენი კომიტეტის მუშაობას ცუდად ვაფასებ, მაგრამ ეს კომიტეტი როგორ გამოარჩიეთ, რაიმე საერთაშორისო პრიზები უნდა აეღო და ვერ აიღო, რას გულისხმობთ?“ - მიმართა „ქართული ოცნების“ დეპუტატებს გიგა ბოკერიამ.

ცნობისთვის, საპარლამენტო უმრავლესობამ ზვიად კვაჭანტირაძე დიასპორისა და კავკასიის საკითხთა საპარლამენტო კომიტეტის თავმჯდომარის თანამდებობიდან ვერ გადააყენა. კვაჭანტირაძის გადაყენებას მხარი 67-მა დეპუტატმა დაუჭირა, გადაწყვეტილების მისაღებად კი, სულ მცირე 76 ხმაა საჭირო. საკითხზე ხელახალი კენჭისყრა 2 კვირაში გაიმართება.

ამასთან, კვაჭანტირაძის გადაყენების საკითხი პლენარულ სხდომაზე მმართველ გუნდმა დააყენა. როგორც მომხსენებელმა, პარლამენტის თავმჯდომარე ირაკლი კობახიძემ აღნიშნა, ამ გადაწყვეტილებას პოლიტიკური საფუძველი აქვს. მანვე განაცხადა, რომ დიასპორისა და კავკასიის საკითხთა კომიტეტი წარმატებებით არ გამოირჩეოდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს