პარლამენტის თავმჯდომარის, ირაკლი კობახიძის განცხადებით, დიასპორისა და კავკასიის საკითხთა კომიტეტის თავმჯდომარის თანამდებობიდან ზვიად კვაჭანტირაძის გაწვევის გადაწყვეტილებას პოლიტიკური საფუძველი აქვს.

როგორც კობახიძემ აღნიშნა, გუნდმა ეს გადაწყვეტილება ერთხმად მიიღო.

„ამ გადაწყვეტილებას ჰქონდა პოლიტიკური საფუძველი. ვინაიდან თავის დროზე ზვიად კვაჭანტირაძე კომიტეტის თავმჯდომარის პოზიციაზე უმრავლესობის მიერ იყო წარდგენილი, შეიკრიბა უმრავლესობა და მიიღო გადაწყვეტილება მისი გადაყენების თაობაზე. ამასთან დაკავშირებით, უმრავლესობის პოზიცია მანადმეც იყო ცნობილი, თუმცა სამწუხაროდ, ბატონმა ზვიადმა გადაწყვიტა ასეთ უხერხულ მდგომარეობაში ჩაეყენებინა უმრავლესობა. მან გააკეთა საჯარო განცხადება იმის თაობაზე, რომ პარლამენტს უნდა გადაეყენებინა ის და არ აპირებდა თვითონ გადადგომას. ეს არის მოცემულობა. შესაბამისად, უმრავლესობა მიიღო გადაწყვეტილება კომიტეტის თავმჯდომარის გადაყენების თაობაზე, რასაც აქვს სუფთა პოლიტიკური საფუძველი“, - განაცხადა კობახიძემ.

რაც შეეხება დეპუტატების კითხვას, უკავშირდება თუ არა კვაჭანტირაძის გადაყენება მისი მუშაობის ხარისხს, კობახიძემ ასე უპასუხა: „რაც შეეხება ახორციელებდა თუ არა თავის უფლებამოსილებას ჯეროვნად ბატონი ზვიად კვაჭანტირაძე, ამას არანაირი კავშირი არ აქვს გადაწყვეტილებასთან, თუმცა ამაზეც გვქონდა უმრავლესობის სხდომაზე საუბარი და იქ ითქვა, რომ ეს კომიტეტი არ გამოირჩეოდა წარმატებებით. ეს იყო რეალობა, რომელზეც გვქონდა საუბარი“.

ამის შემდეგ პარლამენტის თავმჯდომარემ თავად ზვიად კვაჭანტირაძეს მიმართა: „წარმატებული იყო ბატონო ზვიად თქვენი კომიტეტი ? ჩახედეთ ანგარიშს, უბრალოდ არ შეიძლება ამაზე საუბარი. თუ რომელიმე კოლეგა აქ წარმატებულად მიიჩნევს ამ კომიტეტის საქმიანობას, მაშინ მე არ ვიცი. დიასპორა პარლამენტში იყო ერთ-ერთი ჩავარდნილი მიმართულება და ჩვენი გადაწყვეტილების საფუძველი ესეც არის, რომ ამ მიმართულებას დაეთმოს განსაკუთრებული ყურადღება და ამ პრინციპით მიიღება გადაწყვეტილება ახალი თავმჯდომარის არჩევის თაობაზე“.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს