რუსთავის მე-7 მიკრო რაიონში, ორ სხვადასხვა ადგილას,  ბალახის საფარს ცეცხლი გაუჩნდა.  ხანძარი ბენზინგასამართ სადგურსა და საცხოვრებელ კორპუსებთან ახლოს გაჩნდა. იყო საშიშროება,   ცეცხლი ბენზინგასამართ სადგურზეც გადასულიყო. 

 ადგილზე სახანძრო და სამაშველო სამსახურის თანამშრომლები მივიდნენ, რომლებმაც  ხანძრის ლოკალიზება დროულად  მოახდინეს.  შემთხვევის შედეგად არავინ დაშავებულა.

ხანძარი სავარაუდოდ,    ადგილობრივი მოსახლეობის დაუდევრობამ გამოიწვია. 

"როგორც პატრულის თანამშრომელმა აღნიშნა, ხანძრი სავარაუდოდ, გამოიწვია დაუდევრობამ (ვგულისხმობ, ამ შემთხვევაში, სიგარეტის ნამწვავავის გადაგდებამ),რის გამოც ცეცხლი მოეკიდა ბალახს და რომ არა სახანძრო-სამაშველო სამსახური, არ ვიცი რა მოხდებოდა, რადგან იქვე,ზუსტად ორ ნაბიჯზე დგას ბენზინ-გასამართი სადგური და საცხოვრებელი კორპუსები",-განუცხადა "ექსპრესნიუსს" თვითმხილველმა სოფო ყარალაშვილმა.

მისივე ინფორმაციით, ანალოგიური სიტუაცია ფიროსმანის ქუჩაზეც შეიქმნა. სახანძრო-სამაშველო სამსახურის წარმომადგენლებმა ხანძრის ლოკალიზება იქაც მალევე მოახერხეს.

"ცუდია, რომ საზოგადოება გარემოს არ უფრთხილდება. უკვე მერამდენე მაგალითია გაუფრთხილებლობით გამოწვეული მსგავსი და უარესი შემთხვევებისა",-ამბობს სოფო ყარალაშვილი "ექსპრესნიუსთან" საუბრისას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა