შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ზუგდიდში ჯგუფურად ჩადენილი ხულიგნობის ბრალდებით, სამი პირი: 1983 წელს დაბადებული ვ.ც., 1985 წელს დაბადებული დ.ჭ. და 1991 წელს დაბადებული ვ.ჭ. დააკავეს.

დანაშაული 2-დან 5 წლამდე ვადით თავისუფლების აღკვეთას ითვალისწინებს.

სამართალდამცველების მიერ ჩატარებული ოპერატიულ-საგამოძიებო მოქმედებების შედეგად დადგინდა, რომ ბრალდებულებმა ზუგდიდში, კომპანია "ნიკორა-ტრეიდის" კუთვნილ ერთ-ერთ მარკეტში, სიტყვიერი და ფიზიკური შეურაცხყოფა მიაყენეს ამავე მარკეტის პერსონალს და დაცვის თანამშრომელს. ფიზიკური დაპირისპირების დროს დაიმტვრა სხვადასხვა სახის ალკოჰოლური და უალკოჰოლო სასმელებით სავსე ბოთლები.

სამივე ბრალდებული ჩადენილ დანაშაულს აღიარებს.

გამოძიება ჯგუფურად ჩადენილი ხულიგნობის ფაქტზე საქართველოს სისხლის სამართლის კოდექსის 239-ე მუხლის მე-2 ნაწილის "ა" ქვეპუნქტით მიმდინარეობს.

ავტორი: ,

სოციალური ქსელები

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ

ერდოღანს 2028 წელს მესამედ შეეძლება პრეზიდენტად კენჭისყრა

ვენესუელაში მიწისძვრის შედეგად დაღუპულთა რიცხვი 164-მდე გაიზარდა

კობახიძე: ჩვენთვის არავითარი ფასი არ აქვს ასეთ რეზოლუციებს, მძიმე მდგომარეობაა PACE-ში