დღეს ქობულეთის მუნიციპალიტეტში აჭარის მთავრობის გასვლითი სხდომა გაიმართა.

აჭარის მთავრობის თავმჯდომარემ სხდომა მნიშვნელოვანი სიახლით გაიხსნა. მთავრობის გადაწყვეტილებით, 31 ოჯახს, რომლებიც წლების განმავლობაში ვერ ახერხებდნენ საცხოვრებელი ფართების დაკანონებას, ბინები უსასყიდლოდ გადაეცათ კერძო საკუთრებაში.

,,მივიღე გადაწყვეტილება და ხელი მოვაწერე დოკუმენტს, რომლის მიხედვით 31 ოჯახს ბინა უსასყიდლოდ გადაეცემა კერძო საკუთრებაში. მათ შორის ქობულეთის მუნიციპალიტეტში, სოფელ ქაქუთში, მცხოვრებ 8 ოჯახს და კვირიკეში მცხოვრებ 12 ეკომიგრანტ ოჯახს და ქედის მუნიციპალიტეტის 11 ოჯახს. უახლოეს მომავალში მივიღებთ გადაწყვეტილებას ფაქტობრივ მფლობელებთან დაკავშირებით, რითაც ბევრი ოჯახის ყოფა კიდევ უფრო გაუმჯობესდება"-განაცხადა თორნიკე რიჟვაძემ.

მთვარობის დღევანდელ სხდომაზე განიხილეს „საინვესტიციო საქმიანობის ხელშესაწყობად რიგი ღონისძიებების განხორციელების შესახებ"  განკარგულების 4 პროექტი.  საკითხი მთავრობამ განიხილა ეკონომიკური საბჭოს მიერ დადებითი რეკომენდაციის გაწევის შემდეგ.

სხდომაზე განიხილეს განათლების, კულტურისა და სპორტის სამინისტროს მიერ წარმოდგენილი ინფორმაცია სპორტისა და ახალგაზრდობის საქმეთა დეპარტამენტის რეორგანიზაციისა და ახალგაზრდობის კომპონენტის ცალკე ორგანიზაციად ჩამოყალიბებასთან დაკავშირებით.

მთავრობამ ასევე იმსჯელა, ,,სოფლის განვითარების" პროგრამის ფარგლებში, ინფრასტრუქტურული პროექტების დასაფინანსებლად, შერჩევის პროცედურებსა და კრიტერიუმებზე.

ქობულეთის მუნიციპალიტეტს საკუთრებაში გადაეცა აჭარის ავტონომიური რესპუბლიკის საკუთრებად რეგისტრირებული სოფელ ცეცხლაურსა და ოჩხამურში არსებული მიწის ნაკვეთი მოსახლეობასთან შეხვედრების, კრებებისა და სხვდასხვა კულტურული ღონისძიებების ჩატარების მიზნით.

(NS)

ავტორი: ,

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას