23 თებერვალი, 2019 წ. თბილისი | პარტია ევროპული საქართველო უახლესი ისტორიის ერთ-ერთ ყველაზე ტრაგიკულ თარიღს - ჩეჩენი და ინგუში ხალხების დეპორტაციის დღეს ეხმაურება. 

"1944 წლის 23 თებერვალს საბჭოთა კავშირმა საქართველოს მეზობელი ეს ერები საკუთარი განსახლების ისტორიული არეალიდან მთლიანად ცენტრალურ აზიაში გადაასახლა. სასტიკი დეპორტაციის პროცესში დაიღუპა ათასობით ადამიანი, მათ შორის ქალი და ბავშვი. ჩეჩენი და ინგუში ხალხების მასობრივი დეპორტაცია, რომელიც 2004 წელს ევროპის პარლამენტმა გენოციდად შეაფასა, საბჭოთა რეჟიმის მიერ ჩადენილ ერთ-ერთ ყველაზე სასტიკ დანაშაულად მიიჩნევა. ამ დღეებში, როცა ჩვენი ქვეყნის მიერ საბჭოთა ოკუპაციასთან ბრძოლაში გაღებულ მსხვერპლს ვიხსენებთ, ჩვენი ვალია პატივი მივაგოთ საქართველოს ისტორიულ ბედთან ძალიან ახლოს მდგომი ჩეჩენი და ინგუში ერების ტრაგედიასაც . საბჭოთა კომუნისტური რეჟიმისა და სტალინიზმის დანაშაულებრივი ბუნების ეს ერთ-ერთი ყველაზე მნიშვნელოვანი სიმბოლო არასდროს არ უნდა იქნას დავიწყებული." ნათქვამია პარტიის განცხადებაში.

ავტორი: ,

სოციალური ქსელები

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება