საპარლამენტო უმრავლესობის წევრის, ბექა ნაცვლიშვილის საკანონმდებლო პაკეტს, რომელიც საპენსიო სისტემაში ცვლილებების შეტანას ითვალისწინებს, მხარი არ დაუჭირა.

კანონპროექტის პირველი მოსმენით მიღებაზე თანხმობა 42-მა დეპუტატმა დააფიქსირა, 10 კი, წინააღმდეგი იყო.

ცნობისთვის, ნაცვლიშვილმა განაცხადა, რომ თუ პარლამენტი მის კანონპროექტს მხარს არ დაუჭერა, იგი მმართველ გუნდს დატოვებდა.

ნაცვლიშვილის მიერ შეთავაზებული ცვლილებები, სავალდებულო შენატანებზე დაფუძნებულ თაობათა შორის სოლიდარობის სქემის ამოქმედებას გულისხმობდა.

კერძოდ, პროექტის მიხედვით, საპენსიო შენატანები შემდეგნაირად გადანაწილდება: დამსაქმებელი ხელფასის გაცემისას სქემის მონაწილე თითოეულ დასაქმებულზე, საპენსიო ფონდში დაუბეგრავი ხელფასის ორ პროცენტს რიცხავს, რასაც სახელმწიფოს ასევე 2%-იანი შენატანი ემატება. თაობათა შორის სოლიდარობის პრინციპით (არსებული დასაქმებულები აფინანსებენ ხანდაზმულთა პენსიებს) სოლიდარობის სქემიდან პენსიების გაცემა მოხდება სქემაში ჩართვიდან მომდევნო წელს გასულ პენსიონერებზე, რომლებიც ერთი წელი მაინც იხდიდნენ საპენსიო შენატანს თაობათა სოლიდარობის სქემაში.

ავტორი: ,

სოციალური ქსელები

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება