დეპუტატ ეკა ბესელიას განცხადებით, „ქართული ოცნება“ 2012 წლის პირველი ოქტომბრის იდეალებს აცდა.

როგორც მან პარლამენტში გამართულ ბრიფინგზე, გუნდიდან წასვლის მიზეზებზე საუბრისას აღნიშნა, ყველა მცდელობა, რომ მმართველი პარტია წინა ხელისუფლების წარმომადგენლებისგან გათავისუფლებიყო, უშედეგოდ დასრულდა.

„ჩვენმა ყველა მცდელობამ ბოლო ორი წლის განმავლობაში, რაც კი მქონდა შიგნით, შეცვლილიყო ეს ვითარება, გავთავისუფლებულიყავით „ნაციონალური მოძრაობის“ ნარჩენებისაგან, რომელმაც შემოაღწია „ქართული ოცნების“ შიგნით, საკმაოდ დიდი დოზით, ვერ გამოიღო შედეგი. თავის დროზე, როდესაც პოლიტიკაში წავედი, მთავარი მიზეზი იყო სამართლიანობა და სასამართლოს არ არსებობა. როგორც ჩანს, ეს ბრძოლა არ დასრულებულა და გრძელდება დღესაც“, - განაცხადა ბესელიამ.

დეპუტატმა ასევე სამომავლო გეგმებზე ისაუბრა, რომლის განხორციელებაც აუცილებელად მიაჩნია.

„პირველ რიგში ხალხს უნდა ვკითხოთ, ისინი უჭერენ თუ არა მხარს მოსამართლეთა უვადოდ გამწესებას. იმ მოსამართლეთა გამწესებას, რომლებიც იყვნენ იმ სისასტიკის და არაადამიანური მოპყრობის მთავარი შემოქმედნი და კონსტიტუციური ცვლილება დავიწყოთ. ეს უნდა შეეხოს იმათაც, ვინც უკვე დანიშნულია. ეს იმას ნიშნავს, რომ ჩვენ ერთნაირად გვექნება პასუხი იმათ მიმართ, ვინც უკვე გაამწესა ნდობადაკარგულმა იუსტიციის საბჭომ და იმათ მიმართაც, ვინც უნდა გაამწესოს. მეორე - იუსტიციის საბჭო უნდა შეიცვალოს და ეს გადაწყვეტილება უნდა იყოს მიღებული უსწრაფესად. მესამე - იუსტიციის სკოლის რეფორმით უნდა მოხდეს ახალი მოსამართლეების შემოსვლა სასამართლო ხელისუფლების შიგნით და იმ ადამიანებმა, ვინც ემსახურებოდა ძალადობრივ რეჟიმს და სისასტიკეს, უნდა დატოვონ სასამართლო ხელისუფლება. უნდა გამკაცრდეს დისციპლინური პასუხისმგებლობის საფუძვლები და მათი გადაწყვეტა, ანუ დისციპლინური პასუხისმგებლობა არ უნდა იყოს ამ საბჭოს ხელში. უნდა დაკომპლექტდეს საბჭო ახალი შემადგენლობით და დაბალანსებული კონფიგურაციით. მეხუთე - უზენაეს სასამართლოში უნდა გავამწესოთ მხოლოდ ის მოსამართლეები, რომლებიც არ იყვნენ დაკავშირებული ძალადობრივ რეჟიმთან, არ იყვნენ მათი მსახურნი. დღეს ისევ ხდება ამ ინტერესების ლობირება და ამას ვხედავთ ღიად ღიად პარლამენტის თავმჯდომარის და იმ ადამიანების სახით, ვინც მე არასდროს მინახავს იმ ბრძოლაში, როდესაც მე, ჩემი მეგობრები და თანამოაზრეები წლების განმავლობაში ველოდებოდით ძალადობრივი რეჟიმის შეცვლას. ამიტომ ჩემი გადაწყვეტილება შეიძლება არის რთული, მაგრამ ეს არის სამართლიანიც, მართლებულიც და სწორიც. ვაპირებ გავაგრძელო ბრძოლა იმ ადამიანებთან ერთად, ვინც არასოდეს დაღლილა ამ ბრძოლაში და არ უღალატია ამ იდეალებისთვის. ვისაც არასოდეს აურჩევია კომფორტი, თანამდებობა და არ უთქვამს უარი საკუთარ პრინციპებზე“, - განაცხადა ეკა ბესელიამ.

ავტორი: ,

სოციალური ქსელები

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება