ძალიან დაემსგავსეთ ამ ბოლო დროს იუსტიციის უმაღლეს საბჭოს, თავისი სტრუქტურით და მოქმედების ტაქტიკით, - ასე მიმართა ფრაქცია "საქართველოს პატრიოტების" თავმჯდომარემ ირმა ინაშვილმა პარლამენტის ხელმძღვანელს ირაკლი კობახიძემ ბიუროს დრევანდელ სხდომაზე. 

ინაშვილი პარლამენტის თავმჯდომარე გააკრიტიკა და აღნიშნა, რომ უმრავლესობა ოპოზიციის მიერ წარმოდგენილი ინიციატივებით არ ინტერესდება.

"მინდა შევეხო პარლამენტში დღეს შექმნილ ვითარებას. გუშინ თუ გუშინწინ, ჩვენ გამოვიტანეთ განსახილველად პრველ მოსმენაზე კანონპროექტი, ცვლილებები მაუწყებლობის შესახებ კანონში, რაც ითვალისწინებს არასაარჩევნო პერიოდში პოლიტიკური რეკლამის განთავსებას. ეს მნიშვნელოვანი ცვლილებება, მაგრამ მას უფრთხის უმრავლესობა მთელი რიგი მიზეზების გამო. ძალიან სამწუხაროა, რომ პირველივე მოსმენაზე უმრავლესობამ, სხვათაშორის ძალიან საეჭვოდ აორთქლდა კენჭისყრის პროცესში "ნაცმოძრაობის" ორივე ფრთაც, დიდი ეჭვი მაქვს, რომ თქვენ უთხარით, რომ კენჭისყრაში არ მიეღოთ მონაწილეობა. საერთოდ არ გაინტერესებთ ჩვენი ამ შემთხვევაში როგორც ოპოზიციური ფრაქციის წარმომადგენლების ინიციატივები. პარლამენტში დღეს არსებული მენეჯმენტი არის ძალიან ვიწრო ინტერესებზე აგებული. ძალიან დაემსგავსეთ ამ ბოლო დროს იუსტიციის უმაღლეს საბჭოს, თავისი სტრუქტურით და მოქმედების ტაქტიკით. ძალიან ცუდია ასეთი არათანამშრომლობის პრაქტიკის დამკვიდრება. კი თანამშრომლობთ გადასარევად ბოკერიასთან და მეორე ნაცმოძრაობასთან, ხოლო ჩვენთან ასეთი თანამშრომლობა რატომრაც ვერ ხერხდება, ჩვენი მცდელობის მიუხედავად. ეს მენეჯმენტი არის შესაცვლელი, ან შეცვალეთ მართვა და გახსნილები გახდით, ან პირდაპირ გეუბნებით, შეგცვლით. ჩვენ დავაყენებთ თქვენი იმპიჩმენტის საკითხს, რადგან ასე გაგრძელება არ შეიძლება", - მიმარტა ინაშვილმა კობახიძეს. 

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება