2019-02-19 18:29:27, 1266 ნახვა

---

დეკანოზის ძმა - მთავრობა შეწყალებასთან არაფერ შუაშია - მარგველაშვილმა პატრიარქისგან დადებითი პასუხი ვერ გამოიტანა

მთავრობა შეწყალებასთან არაფერ შუაშია - მარგველაშვილმა პატრიარქისგან დადებითი პასუხი ვერ გამოტანა, - ამის შესახებ ე.წ. ციანიდის საქმეზე მსჯავრდებული დეკანოზის, გიორგი მამალაძის ძმამ, თორნიკე მამალაძემ ჟურნალისტებს განუცხადა.

მისი თქმით, ჯანმრთელობის მდგომარეობა იმაზე რთულია, ვიდრე წინა დღეებში, ზუსტი დიაგნოზი კი კვლავაც არ არსებობს.

ამასთან არ გამორიცხავს, რომ თავად მოიწვიოს ექიმების ჯგუფი.

„პრეზიდენტი იყო ის შესული საქართველოს საპატრიარქოში, შეხვდა პირადად მის უწმინდესობას, მის უწმინდესობას უთხრა, რომ მე მზად ვარ, გიორგი მამალაძის შესაწყალებლად და თქვენ რას იტყვითო?  საიდანაც დადებითი პასუხი ვერ გამოიტანა მარგველაშვილმა და ამიტომ შეიკავა თავი. მე დარწმუნებული ვარ, რომ მთავრობა აქ შეწყალებასთან დაკავშირებით არაფერ შუაშია, უბრალოდ მისი უწმინდესობისგან ვერ მიიღო დადებით პასუხი“, - აღნიშნა თორნიკე მამალაძემ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი