„მინდა მოსახლეობამ იცოდეს, რომ ბატონი კაკი [აკაკი ზოიძე] პირველად არ ატყუებს ხალხს, როგორც მაღალი რანგის პოლიტიკოსი“, - ამის შესახებ „ევროპული საქართველოს“ წევრმა აკაკი ბობოხიძემ საპენსიო რეფორმაზე საუბრისას განაცხადა.

როგორც ბობოხიძემ აღნიშნა, ედუარდ შევარდნაძის ხელისუფლების დროს დეპუტატი აკაკი ზოიძე სახელმწიფო მინისტრის მოადგილე იყო და ხალხს არწმუნებდა, ბანკში ანაბრები შეეტანათ.

„ის შევარდნაძის ხელისუფლების დროს იყო სახელმწიფო მინისტრის მოადგილე, ანუ ვიცე-პრემიერი. ბატონო კაკი, თქვენზე უფრო მაღალი ავტორიტეტის პიროვნება გვარწმუნებდა, რომ თუ ანაბრებს შევიტანდით ბანკში, გასამმაგდებოდა და გასამმაგდა, შემდეგ კი გვექნებოდა უზრუნველი და ღირსეული სიბერე. რაც მაშინ დამართეთ ხალხის ანაბრებს, ზუსტად იგივეს დამართებთ დღეს და არ გაგახსენებდით იმ წარსულს, რომ იგივე გზას არ ადგეთ დღეს - მოსახლეობისთვის თვალში ნაცრის შეყრას და მოსახლეობის კიდევ ერთხელ მოტყუებას. თქვენ, ჭკვიანები, ეუბნებით ხალხს, რომ „თქვენ არ გყოფნით გონიერება და თქვენთვის არის კარგი, რომ საპენსიო ფონდში ფული შეიტანოთ“, თავად თქვენ დანაზოგები ანაბრებზე გაქვთ განთავსებული. თუ მაინცდამაინც უნდა აიძულოთ ხალხი და თქვენ არჩევანი ანაბრების სასარგებლოდ გააკეთეთ, იქნება ანაბრებზე მაინც აიძულოთ ხალხს და არა თაქვენ წაართვათ ფული ძალიან დიდი ხნით, შეიძლება განუსაზღვრელი ვადით და მუდმივად სარგებლობისთვის. ბატონი კაკის მთავრობამ ეს აფიორა ერთხელ უკვე ჩაუტარა საქართველოს მოსახლეობას“, - განაცხადა აკაკი ბობოხიძემ პარლამენტის პლენარულ სხდომაზე.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს