ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის მოადგილე რატი იონათამიშვილი შეზღუდული შესაძლებლობების მქონე პირთა საჭიროებებთან დაკავშირებით, შშმ პირთა ორგანიზაციებისა და სახელისუფლებო უწყებების წარმომადგენლებს შეხვდა.

პარლამენტის პრესსამსახურის ინფორმაციით, სამუშაო შეხვედრაზე განიხილეს  თემა - „შშმ პირთათვის სივრცის მოწყობის სამშენებლო სტანდარტების ჰარმონიზაციაში მოყვანა უნივერსალური დიზაინის თანამედროვე სტანდარტებთან და აღსრულების მექანიზმები".

„როდესაც ჩვენ ვლაპარაკობთ შეზღუდული შესაძლებლობების მქონე პირთათვის თანაბარი შესაძლებლობების  უზრუნველყოფაზე, უმთავრესი გამოწვევა ის არის, რომ უნივერსალური დიზაინის პრინციპით ხდებოდეს  ფიზიკური გარემოს ადაპტირება. ანუ, მათთვის შესაძლებელი გავხადოთ უნივერსალური დიზაინის პრინციპებზე დაფუძნებული გარემოს ხელმისაწვდომობა", - განაცხადა რატი იონათამიშვილმა.

მისივე თქმით, ამ მხრივ ორი მნიშვნელოვანი გამოწვევაა - ერთი საკანონმდებლო რეგულაციების ნაწილში, სადაც არაა ეფექტური აღსრულების მექანიზმები და ასევე არაა განსაზღვრული საზედამხედველი ორგანო, რასთან დაკავშირებითაც პარლამენტში უკვე ინიცირებულია კანონპროექტი და, მეორე  ის, რომ მოქმედი ტექნიკური რეგულაციები შესაბამისობაში არ მოდის უნივერსალური დიზაინის  თანამედროვე სამშენებლო სტანდარტებთან.

პარლამენტის წევრის განცხადებით, ინიცირებული კანონპროექტის პარალელურად მუშაობა დაწყებულია  სივრცის მოწყობის რეგლამენტზეც.

„სამუშაო პროცესში მონაწილეობის შესაძლებლობა აქვთ როგორც შეზღუდული შესაძლებლობის მქონე პირთა ორგანიზაციებს, ასევე დარგობრივი სამინისტროებისა და დედაქალაქის მერიის  წარმომადგენლებს, რათა კანონის ამოქმედებასთან ერთად, მოხდეს სამშენებლო ტექნიკური რეგლამენტების ჰარმონიზაცია უნივერსალური დიზაინის სტანდარტებთან", -  განაცხადა რატი იონათამიშვილმა.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს