მოსამართლეთა კლანს ზურგს უმაგრებს ბიძინა ივანიშვილი, - ამის შესახებ ფრაქცია "ნაციონალური მოძრაობის" თავმჯდომარემ რომან გოცირიძემ Facebook-ის საკუთარ გვერდზე დაწერა.

დეპუტატის თქმით, პარტიის წევრებმა, რომლებიც მოსამართლეების საკითხზე საკუთარი პოზიცია დააფიქსირეს ხმა უნდა აიმაღლონ და სიმართლე თქვან.

"ეს არ არის ე.წ. ”მურუსიძე-ჩინჩალაძის” კლანი, ესაა ივანიშვილის კლანი სასამართლო სისტემაში. ივანიშვილის  გარეშე არა თუ სამუდამო თანამდებობებზე მოჯდომის პრეტენზია ექნებოდათ ამ პირებს, არამედ იმის დარდებში იქნებოდნენ, არ მოხვედრილიყვნენ განსასჯელის სკამზე.  მათი ყოველი გამოჩენა ეკრანზე არის შეგულიანებულ და დაიმედებულ ყეყეჩთა თვითლუსტრაცია. რაც შეიძლება ხშირად უნდა ვაჩვენოთ ისინი ხალხს. 
აშკარაა, რომ ივანიშვილი ამათ არ დათმობს. ზოგს წინ წაწევს, ზოგს ჩრდილში დატოვებს, ზოგს მეორე ეშელონიდან გადმოანაცვლებს  წინა რიგებში. სანამ ოცნებიდან გასაშვებად გამზადებული ე. წ. ამბოხებულები არ იტყვიან სიმართლეს და სწორად არ დასვამენ აქცენტებს, მათი ქმედებები არა თუ ხელს შეუწყობს სასამართლო სისტემის გაჯანსაღებას, არამედ მოემსახურება კლანური სისტემის შენარჩუნებას",- წერს გოცირიძე.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს