„შეიძლება ითქვას, რომ სასამართლოსთან დაკავშირებით ძირითად ამოსავალ პრინციპებზე გუნდი შეჯერდა“, - ამის შესახებ საპარლამენტო უმრავლესობის ლიდერმა არჩილ თალაკვაძემ, „ქართული ოცნების“ ოფისში გამართული შეხვედრის შემდეგ ჟურნალისტებს განუცხადა.

როგორც მან აღნიშნა, პარლამენტი საგაზაფხულო სესიაზე სათითაოდ იმსჯელებს მოსამართლეობის იმ კანდიდატებზე, ვინც ახალი კრიტერიუმების მიხედვით შეირჩევა.

 „დავასრულეთ უმრავლესობის ორდღიანი შეხვედრა, რომელზეც ძირითადი დრო სასამარლოსთან დაკავშირებული საკითხის განხილვას დაეთმო. ასევე მნიშვნელოვანი დრო დაეთმო სხვა შიდაპარტიული საკითხების განხილვას. ეს იყო შედეგიანი შეხვედრა. შეიძლება ითქვას, რომ სასამართლოსთან დაკავშირებით ძირითად ამოსავალ პრინციპებზე გუნდი შეჯერდა. ეს შედეგი იმაში გამოიხატება, რომ ისე, რომ სამუშაო ჯგუფმა მიზანი შეასრულოს - შეიმუშაოს ეფექტური რეგულაციები, რომელშიც კრიტერიუმზე და პროცედურებზე იქნება საუბარი. ამ შეხვედრის ძირითადი შედეგია ის, რომ სასამართლოსთან მიმართებაში ძირითად პრინციპებზე შეჯერება შევძელით, უმრავლესობა მზად არის თავისი წარმომადგენლების ჩართულობით სამუშაო ჯგუფში სრულფასოვნად მიიღოს მონაწილეობა“, - აღნიშნა არჩილ თალაკვაძემ.

ავტორი: ,

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს