დიდ დიღომში, ავთანდილის ქუჩაზე, ერთ-ერთ საცხოვრებელ კორპუსში მომხდარი აფეთქების შედეგად დაშავებულებს შორის 4 არასრულწლოვანია.

როგორც „ექსპრესნიუსს“ ჯანდაცვის სამინისტროში განუცხადეს, ისინი იაშვილის კლინიკაში არიან გადაყვანილი. ცოტა ხნის წინ დაშავებულები ჯანდაცვის მინისტრმა, დავით სერგეენკომ მოინახულა.

ამ დროისთვის მინისტრი ღუდუშაურის კლინიკაში მიდის, სადაც ასევე რამდენიმე დაშავებულია მოთავსებული, თუმცა მათი ზუსტი რაოდენობა ამ დროისთვის უცნობია.

შეგახსენებთ, დიდ დიღომში აფეთექბას დადასტურებული ინფორმაციით 3 ადამიანი ემსხვერპლა, 10-მდე კი დაშავდა. აფეთქება სავარაუდოდ, გაზის გაჟონვამ გამოიწვია. აფეთქების სიმძლავრემ კორპუსის და მიმდებარე საცხოვრებლების ფანჯრები ჩაამსხვრია. კორპუსიდან მოსახლეობა ევაკუირებულია.

ტერიტორიაზე სახანძრო სამაშველო და სასწრაფო დახმარების ეკიპაჟები მუშაობენ. მობილიზებულია საპატრულო პოლიცია. ამასთან, ადგილზე იმყოფებიან საპატრულო პოლიციის უფროსი თეიმურაზ კუპატაძე და თბილისის მერი კახა კალაძე.

ავტორი: ,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს