თბილისის საკრებულოს ურბანული დაგეგმარებისა და საქალაქო მეურნეობის კომისიის თავმჯდომარე გოჩა ბაბუნაშვილი ადასტურებს, რომ მერიამ 18 მილიონი ლარის სესხის გამოყოფა სტიქიურ მოვლენამდე მოითხოვა.  თუმცა მისივე მტკიცებით, ეს თანხა მანამდე ძველი თბილისის განვითარებისა და სხვადასხვა ინფრასტრუქტურულ სამუშაოებს უნდა მოხმარებოდა.
ბაბუნაშვილი ამბობს, რომ სტიქიური მოვლენის განვითარების შემდეგ, თანხა სალიკვიდაციო სამუშაოების ჩატარებისთვის იქნა მიმართული.
"ინფრასტრუქტურა ძალიან მძიმე მდგომარეობაშია და ეს თანხა სასწრაფოდ გვჭირდება, სანამ მეგობარი ქვეყნები მოგვეხმარებიან,  რომლებიც მზად არიან, დახმარება აღმოგვიჩინონ. ამიტომ, ჩვენ დავასწარით ყველა სიტუაციას",-განაცხადა გოჩა ბაბუნაშვილმა.
ცნობისთვის, საკრებულოს ფრაქცია "ნაციონალური მოძრაობის" წევრის ირაკლი აბესაძის განცხადებით, დედაქალაქის მერიამ 18 მილიონი ლარის სესხის გამოყოფა სტიქიამდე მოითხოვა.  აბესაძეს თბილისის მერიასთან კითხვები აქვს, თუ რისთვის იყო ეს თანხა გათვალისწინებული.
დედაქალაქის  საკრებულომ დღეს  სტიქიის შედეგების სალიკვიდაციო სამუშაოებისთვის ცენტრალური ბიუჯეტიდან 18 მილიონი ლარის გამოყოფის საკითხი უნდა დაამტკიცოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან