გარემოსა და ბუნებრივი რესურსების დაცვის სამინისტროში სტიქიის გამომწვევ სავარაუდო მიზეზებსა და შედეგებზე იმსჯელეს.

სამუშაო შეხვედრას მინისტრი გიგლა აგულაშვილი, გარემოს ეროვნული სააგენტოს გეოლოგები, ექსპერტები და გარემოსდაცვითი არასამთავრობო ორგანიზაციების წარმომადგენლები ესწრებოდნენ. სპეციალისტებმა სტიქიის ამსახველი გრაფიკული მონაცემები წარმოადგინეს.

„მდინარე ვერეს მარჯვენა ფერდობზე, სოფელ ახალდაბის მიმდებარე ტერიტორიასთან, წყნეთი-ბეთანიის საავტომობილო გზაზე ადგილი ჰქონდა კლდეზვავური ტიპის მეწყრული პროცესების განვითარებას. კერძოდ, მოწყდა დაახლოებით მილიონ მეტრ კუბამდე მყარი მასა, რამაც განაპირობა ღვარცოფული ნაკადის წარმოქნა, ნაკადმა დროებით ჩაკეტა მდინარე ვერეს ხეობა. ყოველივეს წინ უძღოდა უხვი ატმოსფერული ნალექების მოსვლა სეტყვისა და წვიმის სახით. შექმნილი ხანმოკლე წყალშეგუბების გარღვევას მოჰყვა მდინარე ვერეს ხეობაში წყლის დონის აწევა, ღვაროცოფული ნაკადის გავლა და ცალკეული ადგილების დატბორვა. დღეის მდგომარეობით სტიქიური პროცესის არეალში მსგავსი მასშტაბის მოვლენა არ ივარაუდება, თუმცა ადგილი ექნება პროცესების არამასშტაბურ გააქტიურებას. გარემოს ეროვნული სააგენტოს სპეციალისტების მიერ სტიქიის ზონებში მუდმივად ხდება გეოლოგიური პროცესების შეფასება და პროგნოზირება პრევენციული ღონისძიებების დაგეგმვის მიზნით“, - აცხადებენ გარემოს დაცვის სამინისტროში.

ცნობისთვის, გარემოს ეროვნული სააგენტოს გეოლოგების ჯგუფები ამჟამად დაბა წყნეთში, სოფელ ახალდაბაში, წყნეთი-ბეთანიის, წყნეთი-ახალდაბის გზებზე გააქტიურებული სტიქიის ზონებში იმყოფენიან. გეოლოგების მიერ, ადგილზე ხდება მეწყერული პროცესების შესწავლა და შედეგების დაფიქსირება.

იგეგმება უსაფრთხოების ღონისძიებები, რათა საფრთხე არ შეექმნას მოსახლეობას და საავტომობილო გზებზე მოძრავ ავტომანქანებს. საშიშროების რისკის განსაზღვრა. ადგილზე, ასევე, იმყოფებიან ინფრასტუქტურისა და საავტომობილო გზების დეპარტამენტის წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან