სოფლის მეურნეობის სამეცნიერო-კვლევითი ცენტრის ორგანიზებით საქართველოში მცენარეთა გენეტიკური რესურსების კოლექციების არსებული მდგომარეობის, მათი შენარჩუნების და ეროვნული გენ ბანკის ჩამოყალიბების საკითხებზე სამუშაო შეხვედრა გაიმართა.

შეხვედრას სოფლის მეურნეობის სამეცნიერო-კვლევითი ცენტრის დირექტორი ლევან უჯამჯურიძე, საქართველოს სოფლის მეურნეობის მეცნიერებათა აკადემიის პრეზიდენტი გურამ ალექსიძე, საქართველოს ეროვნული ბოტანიკური ბაღის დირექტორი თამაზ დარჩიძე,  გაეროს სურსათისა და სოფლის მეურნეობის ორგანიზაციის (FAO), ბიოლოგიურ მეურნეობათა ასოციაციის „ელკანა“, ბოტანიკის ინსტიტუტის, ფერმერთა უფლებების დაცვის ასოციაციის (AFRD), გარემოს დაცვისა და სოფლის მეურნეობის სამინისტროს და სოფლის მეურნეობის სამეცნიერო-კვლევითი ცენტრის წარმომადგენლები ესწრებოდნენ.

მხარეებმა მცენარეთა გენეტიკური რესურსების შესახებ ეროვნული და საერთაშორისო კანონმდებლობა, მცენარეთა გენეტიკური რესურსების კოლექციების მიმდინარე მდგომარეობა და პერსპექტივები, ადგილობრივი და საერთაშორისო მონაცემთა ბაზები, მცენარეთა გენეტიკური რესურსების მიმართულებით საერთაშორისო ორგანიზაციების როლი და მათი საქმიანობა განიხილეს. მნიშვნელოვანი ყურადღება სამომავლო გეგმებს დაეთმო, რომელიც ეროვნული გენ ბანკის ჩამოყალიბებას და ამ მიმართულებით სხვადასხვა უწყების კოორდინირებულ მუშაობას გულისხმობს.

„ქვეყნისთვის უმნიშვნელოვანესია გენეტიკური რესურსების დაცვა და ეს საერთაშორისო ვალდებულებებიდან გამომდინარე, ერთ-ერთი პრიორიტეტია. გარემოს დაცვისა და სოფლის მეურნეობის სამინისტროს სამოქმედო გეგმაში გაწერილია ის აქტივობები, რომელიც უკავშირდება გენეტიკური რესურსების დაცვის საკითხებს. ცენტრის ერთ-ერთი მნიშვნელოვანი ფუქცია სწორედ გენეტიკური რესურსების მოძიება, დაცვა, კონსერვაცია და გენ ბანკის შექმნაა“, -განაცხადა ლევან უჯმაჯურიძემ.

აღსანიშნავია, რომ საქართველოს მცენარეთა გენეტიკური მასალა სხვადასხვა სახელმწიფო უწყებაში, არასამთავრობო ორგანიზაციასა და კერძო კომპანიებში, ასევე სხვადასხვა ქვეყნის გენ ბანკებში ინახება. დღეისთვის გენეტიკური რესურსების მიმართულებით არ არსებობს მონაცემთა ერთიანი ცენტრალური ბაზა და ორგანო, რომელიც გენეტიკურ რესურსებზე მომუშავე არსებულ ორგანიზაციებს კოორდინირებასა და დახმარებას გაუწევს.

სოფლის მეურნეობის სამეცნიერო-კვლევით ცენტრში გამართულ შეხვედრაზე სამუშაო ჯგუფის შექმნა გადაწყდა, რომელიც სწორედ ეროვნული გენბანკის შექმნასა და ამ მიმართულებით  მაკოორდინირებელი ორგანოს ჩამოყალიბებაზე იმუშავებს.

(NS)

ავტორი: ,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს