შინაგან საქმეთა სამინისტროს 112-ის დეპარტამენტი თბილისში, სტიქიის შედეგად გარდაცვლილი და დაზარალებული მოქალაქეების გამო, ღრმა მწუხარებას გამოხატავს და გარდაცვლილთა ოჯახებს სამძიმარს უცხადებს.
112 საზოგადოებას თხოვნით მიმართავს,  მხოლოდ გადაუდებელი შემთხვევების დროს დარეკონ და  არაგადაუდებელი ზარებისგან თავი შეიკავონ.
"შსს 112-ის დეპარტამენტი საგანგებო რეჟიმში მუშაობს. უმორჩილესად მივმართავთ საზოგადოებას, დარეკონ მხოლოდ გადაუდებელი შემთხვევების დროს და თავი შეიკავონ არაგადაუდებელი ზარებისგან (მაგალითად: როგორიცაა ინფორმაციის მიღება გზებზე არსებულ საცობებთან დაკავშირებით და სხვა).
13 ივნისის ღამეს, თბილისში, ძლიერი წვიმის დაწყებიდან უმოკლეს დროში, 112-ის ყველა ოპერატორი მობილიზებული იყო. მიუხედავად ამისა, ზარების უპრეცენდენტო რაოდენობა დაფიქსირდა. სტიქიის დაწყებიდან 3 საათის განმავლობაში, 12 000 ზარი შემოვიდა, რამაც გამოიწვია ზარების მოლოდინის რეჟიმში გადასვლა.
შსს 112-ის დეპარტამენტის დირექტორის, გიორგი ბიჭაშვილის მითითებით, გადაუდებელი დახმარების ოპერატიული მართვის ცენტრი მუშაობას კვლავ განსაკუთრებულ რეჟიმში აგრძელებს. მობილიზებულია დამატებითი ცვლები, რათა 112-მა შეუფერხებლად მიიღოს ზარები, მოსახლეობისთვის დროული დახმარების აღმოჩენის მიზნით",-ნათქვამია შსს-ს 112-ის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები