მეოთხე კატეგორიის (მიკრო) საწარმოების ფინანსური ანგარიშგების სტანდარტისა და თვითსწავლების მასალების დასკვნითი პრეზენტაცია გაიმართა. ასევე, შედგა დისკუსია თემაზე: „გამარტივებული სტანდარტის მოსალოდნელი სარგებელი საწარმოების შემდგომი განვითარებისთვის".

ღონისძიებაზე მოწვეულ სტუმრებს სიტყვით მიმართეს ფინანსთა მინისტრის მოადგილემ, ნიკოლოზ გაგუამ, საქართველოში დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩის მოადგილემ, ალექსანდრა ქოულიმ.

 IV კატეგორიის (მიკრო) საწარმოებისთვის ფინანსური ანგარიშგების გამარტივებული სტანდარტი 2018 წლის ივნისში დამტკიცდა და ეტაობრივად დაინერგება. იგი ხელს შეუწყობს: კორპორაციული მართვის და სააღრიცხვო დისციპლინის გაუმჯობესებას, უფრო რთულ ანგარიშგების სტანდარტზე გადასვლის გამარტივებას, ადმინისტრაციული ტვირთის/ხარჯების შემცირებას, ფინანსებზე ხელმისაწვდომობის ზრდას,  უფრო სრულყოფილი და ზუსტი ფინანსური ინფორმაციის ხელმისაწვდომობას ინვესტორებისთვის, საკრედიტო სარეიტინგო სააგენტოებისთვის, ბანკებისა და მიკროსაფინანსო ორგანიზაციებისთვის, ფინანსთა სამინისტროს შემოსავლების სამსახურისთვის.

ღონისძიება ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურისა და გაერთიანებული სამეფოს კარგი მმართველობის ფონდის ორგანიზებით (UK Good Governance Fund/GGF) გაიმართა.

პრეზენტაციას დაესწრნენ აღმასრულებელი და საკანონმდებლო ხელისუფლების, საერთაშორისო ფინანსური ინსტიტუტებისა და ადგილობრივი კომერციული ბანკების, საგანმანათლებლო დაწესებულებების წარმომადგენლები, პროფესიული ორგანიზაციები, ასოციაციები, სავაჭრო პალატები და ბენეფიციარები. ასევე, დიპლომატიური კორპუსის, დონორი და საერთაშორისო ორგანიზაციების წარმომადგენლები.

(NS)

ავტორი: ,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“