ზოოპარკის საზოგადოებასთან ურთიერთობის სამსახურის უფროსის მზია შარაშიძის განცხადებით, დაზუსტებით შეუძლებელია იმის თქმა, არის თუ არა ზოოპარკის ტერიტორიიდან რომელიმე ცხოველი გაქცეული.

მისი თქმით, სტიქიის შემდგომი პერიოდის განმავლობაში თბილისის მასშტაბით არც ცოცხალი და არც მკვდარი ცხოველი ნაპოვნი არაა.

ამასთან შარაშიძის ინფორმაციით, ამ ეტაპზე დედაქალაქის მასშტაბით კონკრეტულად ზოოპარკის არცერთი ბინადრის ძებნა არ მიმდინარეობს.

მისი თქმით, ზოოპარკის ტერიტორიის გაწმენდისა და დაღუპული ცხოველების აღმოჩენის შემდეგ გახდება შესაძლებელი იმის დადგენა, დაკარგული არიან თუ არა ცხოველები და რამდენი.

„ამ წუთების მონაცემებით, არაფერს კონკრეტულად არ ვეძებთ. პირველ რიგში, აუცილებელია ზოოპარკის ტერიტორიის გაწმენდითი სამუშაოები, რაც საშუალებას მოგვცემს ზუსტად დავთვალოთ, რამდენი ცხოველია დაღუპული ადგილზე, შემდეგ მოხდება ამ ინფორმაციის შედარება ცოცხალ ცხოველებთან. აქედან გამომდინარე შეგვეძლება ვთქვათ, რამდენი ცხოველი იძებნება. რეალურად სტიქიის შემდგომი პერიოდის განმავლობაში არცერთი ცოცხალი და არც მკვდარი ცხოველი თბილისის მასშტაბით ნაპოვნი არაა. დაზუსტებით შეუძლებელია იმის თქმა, არის თუ არა ზოოპარკის ტერიტორიიდან რომელიმე ცხოველი გაქცეული, რადგან საკუთარი თვალით ნანახი არავის ჰყავს. ცხოველების შესახებ ყველა ინფორმაცია ჭორის დონეზე ვრცელდება. ამ ეტაპზე ჩვენ დაზუსტებით ვერ ვიტყვით, არის თუ არა რომელიმე ცხოველი გაქცეული, რადგან ზოოპარკის ტერიტორიაზე დაღუპული ცხოველები ვერ დავთვალეთ“, - განაცხადა მზია შარაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები