"ნიკა რურუა იყო თხემით ტერფამდე გამსჭვალული პატრიოტული სულისკვეთებით", - ამის შესახებ "ნაციონალური მოძრაობის" წევრმა ნიკა მელიამ წმინდა პანტელეიმონის სახელობის ეკლესიაში განაცხადა, სადაც ნიკა რურუას სამოქალაქო პანაშვიდი მიმდინარეობს. 

ნიკა მელიას თქმით, რურუას გარდაცვალება დიდი დანაკლისია, როგორც გაერთიანებული ოპოზიციისთვის, ასევე მთელი საზოგადოებისთვის.

"ნამდვილად განსხვავებული ადამიანი იყო, ეს უდავოა. ის იყო ადამიანი, რომელმაც თავისი საწყისი ცხოვრება შეცვალა. ის ყოველდღე, თავის ცხოვრების განმავლობაში, საუბრობდა, ფიქრობდა, მსჯელობდა სახელმწიფოზე, სახელმწიფოებრიობაზე, დამოუკიდებლობაზე, ჩვენი ქვეყნის მომავალზე დიდ ევროპულ ოჯახში. ეს ადამიანი თხემით ტერფამდე იყო გამსჭვალული პატრიოტული სულისკვეთებით. იყო ნამდვილად განათლებული და ერუდიტი, დიდი დანაკლისია, მოაზროვნე ადამიანი დაიკარგა ძალიან ახალგაზრდა ასაკში და გაანათლოს მისი სული, დანაკლისია არამხოლოდ ჩვენი გაერთიანებისთვის, არამედ მგონია, მთელი საზოგადოებისთვის", - განაცხადა ნიკა მელიამ.

შეგახსენებთ, რომ ნიკა რურუა 4 დეკემბერს საკუთარ სახლში 50 წლის ასაკში, სავარაუდოდ, გულის შეტევით გარდაიცვალა.

ავტორი: ,

სოციალური ქსელები

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება

ყატარში, მსოფლიოში უდიდეს თხევადი ბუნებრივი აირის წარმოების ცენტრში აფეთქება მოხდა, 54 ადამიანი დაშავდა

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი