ქერჩის სრუტეში მომხდარი ინციდენტის გამო, უკრაინა გაერო-ს საერთაშორისო სასამართლოსთვის სარჩელს ამზადებს, - ამის შესახებ უკრაინის პრეზიდენტმა პეტრო პოროშენკომ განაცხადა.

ინფორმაცია ამის შესახებ პოროშენკოს ადმინისტრაციის ოფიციალურ ვებგვერდზე გამოქვეყნდა.

პეტრო პოროშენკოს განმარტებით, უკრაინელი მეზღვაურები საერთაშორისო კანონმდებლობის შესაბამისად მოქმედებდნენ, როდესავ მათ რუსი მესაზღვრეები შავი ზღვის ნეიტრალურ წყლებში თავს დაესხნენ.

"ჩვენი უმთავრესი მიზანია, რომ სამხედროები ტყვეობიდან ვიხნათ. ისინი ჩვენი ქვეყნის გმიერები არიან და მათი ქმედებები სამაგალითოა, ისინი არ დანებდნენ რუსი აგრესორის წინააღმდეგ და იცავდნენ უკრაინის ინტერესებს, მათ შორის სასამართლო პროცესზეც. ჩვენ რუსელუ აგრესიის წინააღმდეგ გაერო-ს საერთაშორისო სასამართლოში სარჩელი შეგვაქვს და რუსეთი საკუთარ აგრესიაზე პასუხს აგებს", - განაცხადა პეტრო პოროშენკომ ტელეკომპანია ICTV-ის ინტერვიუში.

შეგახსენებთ, რომ ქერჩის სრუტეში რუსმა სამხედროებმა უკრაინის სამ სამხედრო კატერს ცეცხლი გაუხსნეს და ხომალდები დაატყვევეს. კიევის ცნობით დაჭრილია ექვსი უკრაინელი სამხედრო. კიევი აცხადებს, რომ ორი ბრონირებული კატერი და ბუქსირი ოდესიდან მარიუპოლში მიცურავდნენ, რის შესახებაც რუსები ინფორმირებული იყვნენ. მოსკოვის მტკიცებით კი, უკრაინელებმა საზღვარი დაარღვიეს. მოგვიანებით, უკრაინის ფლოტის პრეს-ცენტრმა განცხადება გაავრცელა, სადაც ნათქვამია, რომ ბრონირებული საარტილერიო კატერებს - „ბერდიანსკსა" და „ნიკოპოლს", ასევე სარეიდო ბუქსირ "იანი-კაპუს" რუსეთმა ცეცხლი გაუხსნა და დაატყვევა.

ავტორი: ,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა