იმერეთში, ძლიერმა ქარმა 60 საცხოვრებელ სახლს სახურავი გადახადა და 25 ხე წააქცია

2018-11-30 18:01:11, 1256 ნახვა

საზოგადოება

ძლიერმა ქარმა იმერეთისა და სამეგრელო-ზემო სვანეთის რეგიონებს პრობლემები შეუქმნა.

საგანგებო სიტუაციების მართვის სამსახურში ამ დროისთვის, რეგიონიდან 210 შეტყობინებაა შემოსული.

უწყების ცნობით, ძლიერმა ქარმა სახურავი 60 საცხოვრებელ სახლს გადახადა, 25 ხე წააქცია და 5 ავტომანქანა დააზიანა. სტიქიის შედეგად არავინ დაშავებულა.

მეხანძრე - მაშველები ამ წუთებში სამაშველო ღონისძიებებს განაგრძობენ. რეგიონში მობილიზებულია საგანგებო სიტუაციების მართვის სამსახურის 150 მეხანძრე-მაშველი.

რაც შეეხება სამეგრელო-ზემო სვანეთის რეგიონს, საგანგებო სიტუაციების მართვის სამსახურში 57 შეტყობინებაა შემოსული. ძლიერმა ქარმა რამდენიმე საცხოვრებელი სახლის სახურავი გადახადა და დააზიანა ხეები.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები