საქართველო-ევროკავშირის ურთიერთობები გუშინ ბრიუსელში თვისობრივად ახალ ეტაპზე გადავიდა და წინ მნიშვნელოვანი ნაბიჯი გადაიდგა, - ასე გამოეხმაურა საქართველო-ევროკავშირის ასოცირების საპარლამენტო კომიტეტის ხელმძღვანელი საჯად კარიმი საკუთარ „ტვიტერის“ გვერდზე 21 ნოემბერს ბრიუსელში ევროკომისიასა და საქართველოს მთავრობას შორის გამართულ მაღალი დონის პირველ შეხვედრას.

საჯიდ კარიმმა საქართველო-ევროკავშირის მაღალი დონის პირველი შეხვედრა, ბრიუსელში საქართველოს საელჩოს მიერ გამართულ მიღებაზე, საქართველოს პრემიერ-მინისტრთან და საქართველოს დელეგაციის წევრებთან შეხვედრისას შეაფასა.

შეხვედრაში, რომელსაც ქართული მხრიდან პრემიერ-მინისტრი მამუკა ბახტაძე, ხოლო ევროკავშირის მხრიდან - ევროკომისიის პრეზიდენტი ჟან კლოდ იუნკერი ხელმძღვანელობდნენ, მონაწილეობა მიიღეს საქართველოს მთავრობის წევრმა 6 მინისტრმა და 13-მა ევროკომისარმა.

საგარეო უწყების ცნობით, ორივე მხარე მიესალმა მაღალი დონის ფორმატში შეხვედრას, როგორც საქართველო-ევროკავშირის ურთიერთობების დინამიკის ლოგიკურ შედეგს. შეხვედრაზე დაფიქსირდა სურვილი და მზაობა სექტორული თანამშრომლობის შემდგომი გაღრმავებისთვის. ამ მიზნით, მონაწილეებმა განიხილეს რამდენიმე კონკრეტული მიმართულებით თანამშრომლობის შესაძლებლობები.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”