ევროპაში ორმაგი პროდუქტიულობის მსხვილფეხა პირუტყვის შენარჩუნება და განვითარება“ ფარგლებში, სოფლის მეურნეობის სამეცნიერო-კვლევითი ცენტრის მეცხოველეობის, ვეტერინარიის და საკვებწარმოების კვლევის დეპარტამენტის თანამშრომლებისთვის ტრენინგი ჩატარდა. FAO-ს ევროპელმა ტრენერებმა მეცხოველეობის სპეციალისტებს მსხვილფეხა პირუტყვის ჯიშობრიობის დადგენის მიმართულებით თეორიული და პრაქტიკული ცოდნა გაუზიარეს. პროექტი კავკასიური წაბლა ჯიშის მსხვილფეხა პირუტყვის მოძიებას, მისი გენეტიკური ნიმუშების აღებას და ჯიშის შესწავლას გულისხმობს.

პროექტის პირველ ეტაპზე მეცხოველობის სპეციალისტები ნინოწმინდის, ახალქალაქის, ახალციხის, დმანისის, წალკისა და დედოფლისწყაროს ფერმებს დაათვალიერებენ, სადაც კავკასიური წაბლა ჯიშის პირუტყვი ტრადიციულად იყო გავრცელებული. პირუტყვის ჯიშობრიობის დადგენის მიზნით მოხდება გენეტიკურ ნიმუშების და განაზომების აღება და ფერმერებთან ერთად კითხვარების შევსება. პროექტის მიზანი აბორიგენული ჯიშების აღდგენა და მაღალპროდუქტიული პირუტყვის წარმოებაა.

საქართველოში აღებული გენეტიკური ნიმუშები ავსტრიის ლაბორატორიაში გადაიგზავნება, სადაც ასევე დადგინდება რამდენად აქვთ კავკასიურ, სომხურ და უკრაინულ ჯიშებს ერთმანეთთან ნათესაური კავშირი და შესაძლებელია თუ არა,  ჯიშის გაუმჯობესების მიზნით, მათი შეჯვარება.

მიღებული ანალიზების შედეგად მსხვილფეხა პირუტყვის მონაცემებზე შეიქმნება კატალოგი, სადაც მის პროდუქტიულობაზე და ჯიშის მახასიათებლებზე სრული ინფორმაცია განთავსდება.

პროექტი „აღმოსავლეთ ევროპაში ორმაგი პროდუქტიულობის მსხვილფეხა პირუტყვის შენარჩუნება და განვითარება“ საქართველოში, სომხეთსა და უკრაინაში ერთობლივად მიმდინარეობს.

(NS)

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე