ხორავას ქუჩაზე მოკლული მოზარდის მამა ზაზა სარალიძე პრეზიდენტობის დამოუკიდებელ კანდიდატს სალომე ზურაბიშვილს მიმართავს.

შვილმოკლული მამა ითხოვს, რომ პრეზიდენტობის კანდიდატი პარლამენტის მიმდებარე ტერიტორიაზე მივიდეს.

"მივმართავ საქართველოს პრეზიდენტობის კანდიდატს სალომე ზურაბიშვილს, რომელსაც უნდა, რომ ქვეყნის მომავალი მთავარსარდალი გახდეს - მოვიდეს აქ და ჩვენთვის კონსტიტუციით მონიჭებული უფლების აღსრულებაში დაგვეხმაროს. ხომ უნდა პრეზიდენტობა? მოვიდეს აქ და ჩვენ, საქართველოს სრულუფლებიან მოქალაქეებს დაგვეხმაროს იმ კანონიერი მოთხოვნის შესრულებაში, რასაც საქართველოს კანონმდებლობა ითვალისწინებს. მოვიდეს და პირადად დაგვეხმაროს კარვის გაშლაში", - განაცხადა ზაზა სარალიძემ.

აღსანიშნავია, რომ მანამდე რუსთაველის გამზრიზე ფიზიკური დაპირისპირება მოხდა. ადგილზე შეკრებილებს კარვის გაშლა უნდოდათ, რისი საშუალებაც პოლიციამ არ მისცა.  

აქცია მესამე სექტორის ორგანიზებით მიმდინარეობს. არასამთავრობო ორგანიზაციებმა ადგილზე 2 კარავი მიიტანეს. როგორც NGO-ები აცხადებენ, ისინი პარლამენტის მიმდებარე ტერიტორიაზე ღამეს გაათევენ. 

ავტორი: ,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს