გაერთიანებული ოპოზიციის პრეზიდენტობის კანდიდატი გრიგოლ ვაშაძე მიიჩნევს, რომ მიხეილ სააკაშვილის შემდეგ ქვეყანაში დემოკრატიამ იკლო. 

როგორც ვაშაძემ DW-სთან ინტერვიუში განმარტა, ძირითადი დემოკრატიული პრიციპეი შემორჩენილია, თუმცა მისი თქმით, ყველაფერს ერთი ადამიანი აკონტროლებს. 

"მე არ მოვიქცევი როგორც მისი ძველი კოლეგები, ტელევიზიებში არ დავიწყებ იმის ყვირილს, რომ ყველაფერში მიშა სააკაშვილია დამნაშავე, რომ სააკაშვილია დიქტატორი, რომ ის ყველას ხელს გვიშლიდა. ის არ არის დიქტატორი, ის დემოკრატია. როდის იყო დიქტატორი საკუთარ ძალაუფლებას მშვიდობიანად აბარებდა სხვას?! როდესაც ვსაუბრობთ შეცდომებზე, უნდა განვასხვავოთ შეცდომები დიქტატურისგან. 2007 წელი ჩვენი ისტორიის საკმაოდ ტრაგიკული ნაწილია.  ტელეკომპანია "იმედის" დარბევა იყო წარმოუდგენელი შეცდომა და გარკვეულწილად ეს იყო, დასასრულის დასაწყისი. სააკაშვილი ჯერ კიდევ ზედმეტად ახალგაზრდაა, რომ საქმეს ჩამოვაშოროთ. როგორც ადამიანს, რომელმაც 5-6 წელი ემიგრაციაში გაატარა, მოუწევს ამ ქვეყანასთან თავიდან ადაფტირება, რადგან ის საგრძნობლად შეიცვალა. სააკაშვილის შემდეგ დემოკრატიამ საქართველოში იკლო. ანუ რა თქმა უნდა ქვეყანაში შემორჩენილია ძირითადი დემოკრატიული პრინციპები, თუმცა დემოკრატიამ იკლო და ეს ისახება თუნდაც მხოლოდ ერთი ტელევიზიის არსებობაში, რომელსაც არ აკონტროლებს ივანიშვილი", - აღნიშნა გრიგოლ ვაშაძემ. 

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია