პარტია "ქართული ოცნების" თავმჯდომარე ბიძინა ივანიშვილი ტელეკომპანია "რუსთავი 2"-ი მიერ მომზადებულ სიუჟეტს, როელიც ხელისუფლების წევრების კერძო საკუთრებებს ეხებოდა, კიდევ ერთხელ გამოეხმაურა. 

ივანიშვილი მიიჩნევს, რომ "რუსთავი 2"-მა მედია სიუჟეტის მომზადებისას მედია სტანდარტი დაარღვია, რადგან ხელისუფლების წარმომადგენლებს კითხვებზე პასუხების გაცემის საშუალება არ მისცა. მისივე თქმით, ტელეკომპანიან მხოლოდ ერთი რესპოდენტი, თავდაცვის კომიტეტის თავმჯდომარე ირაკლი სესიაშვილი შეიყვანა ეთერში, მიუხედავად იმისა, რომ გადაცემაში მონაწილეობა სხვა მაღალჩინოსნებსაც სურდათ. 

"გაშუქება არ უნდა მოხდეს ერთპიროვნულად, განსაკუთრებით, როდესაც საქმე ხელისუფლების წევრებს ეხება. ერთი კვირის განმავლობაში "რუსთავი 2"-ის ჟურნალისტებმა ორჯერ ამოყარეს "ქართული ოცნების" პარტიის წარმომადგენლები, რომლებიც ზოგი პარლამენტს წარმოადგენს, ზოგი მინისტრთა კაბინეტს, მათ შორის პრემიერ-მინისტრის "სასახლეც" აჩვენეს და მისი ეზო, რომელიც პრემიერ არ ეკუთვნის, ეს მისი მეზობლის ეზოა. ეს ელემენტარული სტანდარტი არის, მათ არც შეეკითხნენ - თქვენია? არ არის თქვენი? საიდან ააშენე? როგორ ააშენე?, დეკლარაციები არ გახსნეს და ატეხეს აჟიოტაჟი, რომ აი ნახეთ როგორი კორუფციაა, როგორი სასახლეები აქვთ. ნაცვლად იმისა, რომ ვისი სახლებიც გადაიღეს მათთვის შეკითხვები დაესვათ. მაგალითად ლევან იზორიამ, მანანა კობახიძემ თვითონ დაუკავშირდნენ "რუსთავი 2-ს" და სთხოვდნენ, რომ ჩაერთოთ, ეს არ გააკეთეს. დიდი ზეწოლის და თხოვნის შემდგომ, მათ შეარჩიეს მათთვის საუკეთესო რესპოდენტი ირაკლი სესიაშვილი. ნახეთ რომ ტელევიზიაშიც არ მიიყვანეს და ეს ჩართვა იყო, სესიაშვილთან მაინც 100-0 წააგეს. სესიაშვილმა აბსოლუტურად დაასაბუთა საიდან ჰქონდა, როგორ ჰქონდა, რატომ ჰქონდა. მიუხედავად ამისა, ქალბატონი კვესიტაძე ცდილობდა ეს შეკითხვები ჩემთვის დაესვა. მე არ ვარ ვალდებული "ქართული ოცნების" ყველა წევრის დეკლარაცია ვიცოდე, როგორ ცხოვრობენ და ფული საიდან შეიძინეს. მე ვალდებული ვარ, მათ რიცხვში ხელისუფლებამ რეაგირება გააკეთოს თუ ეჭვი არის კორუფციაზ", - განაცხადა ბიძნა ივანიშვილმა. 

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია