„ექსპერტიზის ბიუროზე ზეწოლა ხორციელდება“ - მალხაზ მაჩალიკაშვილი დახმარებისთვის დიპლომატიურ კორპუსს მიმართავს

2018-10-10 12:39:45, 1304 ნახვა

საზოგადოება

პანკისის ხეობაზე სპეცოპერაციის დროს მოკლული, თემურლან მაჩაკაშვილის მამა, მალხაზ მაჩალიკაშვილი და ოჯახის ადვოკატი მარიამ კუბლაშვილი საქართველოში აკრედიტებულ დიპლომატიურ კორპუსს მიმართავენ.

როგორც დღეს გამართულ ბრიფინგზე მარიამ კუბლაშვილმა ჟურნალისტებს განუცხადა, ისინი დიპლომატებს საქმის მასალებს გააცნობენ.

ამასთან, მალხაზ მაჩალიკაშვილს მიაჩნია, რომ სამხარაულის ექსპერტიზის ბიუროზე ზეწოლა ხორციელდება.

„სამხარაულის სახელობის ექსპერტიზის ეროვნული ბიურო აშკარად თავს იკავებს, რომ დაწეროს ელემენტარული რეალიური ფაქტი, რაც ყველამ იცის, რომ თემირლან მაჩალიკაშვილი სროლის მომენტში უბრალოდ იწვა და მას თავი არ წამოუწევია. ეს ერთგვარი მცდელობაა ხელისუფლების მხრიდან თემირლან მაჩალიკაშვილის მკვლელობის საქმეზე ზეწოლის, დროის გაჭიანურების და აქცენტის გადატანის პარლამენტის წინ მიმდინარე მოვლენებზე“, - განაცხადა ადვოკატმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები