აჭარის ტურიზმის დეპარტამენტის თავმჯდომარე სულხან ღლონტი ტურიზმის ეროვნული ადმინისტრაციის ხელმძღვანელ გიორგი ჩოგოვაძესთან ერთად ბუდაპეშტში ტურიზმისა და ციფრული ტრანსფორმაციის საერთაშორისო კონფერენციას დაესწრო.

ღონისძიებაზე ტურიზმის ეროვნულმა ადმინისტრაციამ გაეროს მსოფლიო ტურიზმის ორგანიზაციის  აღმასრულებელ საბჭოში საქართველოს კანდიდატურის მიღების ინიციატივა წამოაყენა.  კონფერენციას გაეროს მსოფლიო ტურიზმის ორგანიზაციის  გენერალური მდივანი ზურაბ პოლოლიკაშვილი ესწრებოდა. აღმასრულებელ საბჭოში საქართველოს გაწევრიანებასთან დაკავშირებით გაეროს მსოფლიო ტურიზმის ორგანიზაცია  გადაწყვეტილებას უახლოეს მომავალში მიიღებს. რაც შეეხება, უშუალოდ კონფერენციის მთავარ თემას ის ტურიზმის განვითარებაში ციფრული და საინფორმაციო ტექნოლოგიების როლს დაეთმო.  

„წელს, საქართველოს ტურიზმის ეროვნულმა ადმინისტრაციამ გააკეთა ოფიციალური განაცხადი მსოფლიო ტურიზმის აღმასრულებელ საბჭოში საქართველოს წევრობის შესახებ. ვფიქრობ, ეს არის ძალიან სწორი და დროული განაცხადი, ასევე, დიდი სტიმული ზოგადად, საქართველოს ტურიზმისთვის. იმედია 2019 წელს საქართველო იქნება არჩეული აღმასრულებელი საბჭოს წევრად. ეს კიდევ ერთი დიდი წარმატება იქნება საერთაშორისო დონეზე, რომელიც ქვეყანას ახალ შესაძლებლობებს გაუჩენს. რაც შეეხება, უშუალოდ კონფერენციის თემას ის ტურიზმში ციფრული ტექნოლოგიების როლს დაეთმო. თანამედროვე ტურიზმი, ექსპერტების აზრით სრულად ანაცვლებს ტრადიციულ ტურიზმს და ტურისტიც ყალიბდება, როგორც მოგზაური, რომელიც ინდივიდუალურად თანამედროვე ტექნოლოგიების გამოყენებით თვითონვე  სრულად გეგმავს მოგზაურობას. ამაში უდიდესი როლი აქვს ციფრულ ტექნოლოგიებს და ეს რაც დრო გავა მეტად შესამჩნევი გახდება. ბუნებრივია, ამ თვალსაზრისით სრულად იცვლება ტურისტული პროდუქტების მიწოდების მეთოდოლოგია, რაც თავის მხრივ მარკეტინგული თვალსაზრისით კარგად არის გასააზრებელი ყველა იმ ქვეყნისა თუ ქალაქისთვის, რომელიც ორიენტირებულია ტურიზმზე,“ - განაცხადა აჭარის ტურიზმის დეპარტამენტის თავმჯდომარე სულხან ღლონტმა. 

(NS)

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს