ნიკა, ძალიან გაგვახარე! - პრემიერი ჩოგბურთელს გამარჯვებას ულოცავს

2018-10-07 20:00:04, 1777 ნახვა

საზოგადოება

საქართველოს პრემიერ-მინისტრი მამუკა ბახტაძე ქართველ ჩოგბურთელ ნიკოლოზ ბასილაშვილს ჩინეთის ღია პირველობაზე გამარჯვებას ულოცავს.

"ნიკოლოზ ბასილაშვილი ჩინეთის პირველობის ჩემპიონია!
ნიკა, გილოცავ დიდ გამარჯვებას! ძალიან გაგვახარე!"- წერს მამუკა ბახტაძე სოციალურ ქსელ "ფეისბუკში" საკუთარ გვერდზე.
ნიკოლოზ ბასილაშვილმა ჩინეთის ღია პირველობა მოიგო. ქართველმა ჩოგბურთელმა ფინალში არგენტინელი ხუან დელ პოტრო ორ სეტში ანგარიშით 6:4, 6:4 დაამარცხა.

არგენტინელი ტურნირის პირველი, ხოლო მსოფლიოს მე-4 ჩოგანი იყო. რაც შეეხება ნიკოლოზ ბასილაშვილს, ის 26 წლისაა და ტურნირამდე 34-ე ნომრად იყო განთესილი.

ნახევარფინალში ქართველმა ჩოგბურთელმა ბრიტანელი კაილ ედმუნდი დაამარცხა. ნახევარფინალური შეხვედრა, რომელიც საათსა და 41 წუთს გაგრძელდა, ბასილაშვილმა ედმუნდი ორ სეტში, 7:6, 6:4 დაამარცხა.

ამ გამარჯვებით ბასილაშვილი ATP-ის განახლებულ რეიტინგში, კარიერაში პირველად, TOP30-ში შეაღწევს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები