43-ე საჭადრაკო ოლიმპიადის დახურვის ცერემონიაში მონაწილეობის მისაღებად ბათუმს ჩილელი არტისტი იუგა ეწვევა.

2 ოქტომბერს ბათუმს 43-ე საჭადრაკო ოლიმპიადის ფარგლებში სპეციალური სტუმარი, ჩილელი კომპოზიტორი, მომღერალი და არტისტი იუგა ეწვევა. მომღერალი ოლიმპიადის დახურვის ცერემონიაში მიიღებს მონაწილეობას.

იუგა მუსიკალურ სამყაროში 2008 წელს გამოჩნდა და ყურადღება მიიპყრო ჟანრების მრავალფეროვნებით - მღერის ბლუზს, კლასიკურ როკს, ოპერას, შანსონსა და პოპს.

იუგას გამოშვებული აქვს 3 CD, არის რამდენიმე თეატრალური შოუს ავტორი, რომელთაგან გამორჩეული იყო ედიტ პიაფისადმი მიძღვნილი სანახაობა, რომელმაც დიდი წარმატება ჰპოვა არგენტინასა და ურუგვაიში.

იუგას ახალი გატაცება ჭადრაკი და მუსიკაა. პირველ ასეთ კომპოზიციას „ო, კაპაბლანკა“ ეწოდა, რომელიც კომპოზიტორმა 2018 წლის აგვისტოში გამოუშვა.

სწორედ, ამ ახალი კომპოზიციითა და პერფორმანსით ეწვევა იუგა 43-ე საჭადრაკო ოლიმპიადას. როგორც ჩილელი არტისტი აცხადებს, ეს საქართველოსა და ბათუმის ოლიმპიადისადმი და ზოგადად, ჭადრაკისადმი განკუთვნილი საჩუქარია.

უნდა აღინიშნოს, რომ იუგა უსასყიდლოდ ჩამოდის საქართველოში და ჰონორარის გარეშე მონაწილეობს 43-ე საჭადრაკო ოლიმპიადის დახურვის ცერემონიაში. ღონისძიება 5 ოქტომბერს ბათუმის სახელმწიფო მუსიკალურ ცენტრში 20.00 საათზე გაიმართება.

იუგა ბათუმში 2 ოქტომბერს 18.10 საათზე ჩამოფრინდება.

(NS)

ავტორი: ,

სოციალური ქსელები

ბაზისბანკის და სამედიცინო ცენტრ ინოვას პარტნიორობა - ინოვაციური რობოტული ქირურგია საქართველოში

კალაძეს არ მოსწონს სიუჟეტი მასზე ამიტომ ცენზურის დაწესებას მხარს უჭერს

კობახიძე დიუშენის მედიკამენტებზე - საუბარია დაახლოებით 50 მილიონზე ყოველწლიურად

გვარამია - კობახიძემ, ერთი შეხედვით, სიგიჟე გააკეთა: ღია წერილით მიმართა ევროკავშირის ლიდერებს. ცხადია, რომ სიგიჟეა, მაგრამ არა ტყუილად ჰაერში გასროლილი