28 სექტემბრის აჭარის ავტონომიური რესპუბლიკის მთავრობის სხდომაზე ,,საინვესტიციო საქმიანობის ხელშესაწყობად რიგი ღონისძიებების  განხორციელების შესახებ" განკარგულების პროექტი განიხილეს.

აჭარის მთავრობის თავმჯდომარემ თორნიკე რიჟვაძემ  ხაზი გაუსვა ბოლო პერიოდში რეგიონის მიმართ ინვესტორთა მხრიდან გაზრდილ ინტერესს, რაც სამშენებლო, ტურიზმისა თუ სხვა კაპიტალდაბანდების მიმართულებით იკვეთება. აღინიშნა, რომ სექტემბრის თვეში აჭარის მთავრობამ მნიშვნელოვანი შეხვედრები გამართა საერთაშორისო დონორ ორგანიზაციებთან, რომლებთანაც მიმდინარეობს მოლაპარაკებები კონკრეტულ პროექტებზე.

„მინდა შევეხო საინვესტიციო საქმიანობასთან დაკავშირებულ პოლიტიკას, რომელიც კერძო და საჯარო სექტორის ინტერესთა დაცვით უნდა განხორციელდეს. დღეს წარმოდგენილი მთავრობის განკარგულების პროექტი მოემსახურება ინვესტორთა მხრიდან  ვალდებულებების გადახედვის წესს, რაც გულისხმობს შემდეგს: დღემდე დადგენილი ვალდებულებების გადავადება კვლავაც შესაძლებელი იქნება, თუმცა ეს ყველაფერი მოხდება საჯარო და კერძო ინტერესთა გათვალისწინებით, კერძოდ, ყველა ინვესტორს, ყველა საპრივატიზაციო ხელშეკრულების მხარეს მოეთხოვება წარმოადგინოს შესაბამისი საბანკო გარანტია. ინვესტორთა მხრიდან ვალდებულებების შეუსრულებლობის ნაწილში, სახელმწიფოს მიეცემა საშუალება მოახდინოს საგარანტიო თანხის გამოთხოვა", - აცხადებს თორნიკე რიჟვაძე.

აჭარის ავტონომიური რესპუბლიკის მთავრობის განკარგულების პროექტი აჭარის ფინანსთა და ეკონომიკის მინისტრმა ჯაბა ფუტკარაძემ წარადგინა და იგი მთავრობის წევრთა ხმათა უმრავლესობით იქნა მიღებული. განკარგულების პროექტი 2019 წლის პირველ იანვრამდეა მოქმედი.

(NS)

ავტორი: ,

სოციალური ქსელები

ბაზისბანკის და სამედიცინო ცენტრ ინოვას პარტნიორობა - ინოვაციური რობოტული ქირურგია საქართველოში

კალაძეს არ მოსწონს სიუჟეტი მასზე ამიტომ ცენზურის დაწესებას მხარს უჭერს

კობახიძე დიუშენის მედიკამენტებზე - საუბარია დაახლოებით 50 მილიონზე ყოველწლიურად

გვარამია - კობახიძემ, ერთი შეხედვით, სიგიჟე გააკეთა: ღია წერილით მიმართა ევროკავშირის ლიდერებს. ცხადია, რომ სიგიჟეა, მაგრამ არა ტყუილად ჰაერში გასროლილი